ფენერბაჰჩეს მთავარმა მწვრთნელმა, ჟოზე მოურინიომ კლუბს მიმდინარე სატრანსფერო ფანჯარაზე ილქაი გიუნდოგანის შეძენა სთხოვა.
რეპუტაციული თურქული გამოცემის, Hurriyet-ის ინფორმაციით, სტამბულური კლუბის ვიცეპრეზიდენტმა, აკუნ ილიჯალიმ გერმანელი ფეხბურთელის ტრანსფერის თაობაზე მოლაპარაკებები უკვე დაიწყო.
ბარსელონა, სავარაუდოდ, 33 წლის მოთამაშის €25-30 მილიონად გაყიდვაზე უარს არ იტყვის. ასაკის ფაქტორის გარდა, კიდევ ერთი მიზეზი, რატომაც ბარსა მისი გაშვების დიდად წინააღმდეგი არ უნდა იყოს, ისაა, რომ, გავრცელებული ცნობებით, გიუნდოგანს თანაგუნდელებთან ცუდი ურთიერთობა აქვს.
თუმცა, ისიც აღსანიშნავია, რომ გასულ სეზონში ილქაი “ბლაუგრანას” საუკეთესო ნახევარმცველი იყო. მან 5 გოლი და 19 ასისტი მიითვალა და ტრავმა არ მიუღია.
ამასთან, ჰანსი ფლიკს ნახევარდაცვაში დიდი დანაკლისი აქვს – გავი, პედრი და ფრენკი დე იონგი ტრავმირებულნი არიან. შესაბამისად, გიუნდოგანისნაირი გამოცდილი ფეხბურთელის დაკარგვა გუნდისთვის კარგი არ იქნება.
გამოცდილი და კრეატიული ნახ მცველი მოუნდა მოუს?
მარა მერე ალბათ ოლმოს უფრო მარტივად მოიყვანენ და ეგ პრობლემაა..არ გვჭირდება ოლმო!
გიუნდო-რომეუს ნაცვლად ბერნალი, კასადო და ტორე ამოვლენ, იქეთ გავი დაბრუნდება, პლუს ლოპესი, დე იონგი, პედრი, ცალკე ლამასია გვყავს..
საერთოდ არ იქნება პრობლემა თუ დაგვტოვებს, ისედაც ბებერია და ფულიც გვჭირდება.
არავითარი პრობლემა არ იქნება, მომავალ წელს საერთოდ არაფერს აღარ შემოგვთავაზებენ. ამათ თუ არ იციან შეხედონ რეალს როგორ იცილებს მობერებულ ვარსკვლავებს.