ჰოლანდის ტრანსფერში ბარსას მაზრაუი დაეხმარება
"ბარსელონაში" ერლინგ ჰოლანდის ტრანსფერზე აქტიურად მუშაობენ. კატალონიურ კლუბში იციან, რომ თუ ისინი აგენტ მინო რაიოლას კიდევ ერთ კლიენტს დაიმატებენ, ნორვეგიელი თავდამსხმელის ტრანსფერი უფრო მარტივი იქნება.
2009 წელს "ბარსელონამ" მილანის "ინტერიდან" მინო რაიოლას კლიენტი ზლატან იბრაჰიმოვიჩი დაიმატა. კატალონიელებმა ზლატანს რაიოლას კიდევ ერთი კლიენტი, ბრაზილიელი მარცხენა მცველი მაქსველიც მოაყოლეს. მსგავსი რამ იგეგმება ახლაც.
ლაპორტამ იცის, რომ თუ რაიოლას კიდევ ერთ ტრანსფერში დაეხმარება, ჰოლანდის ხელში ჩაგდება გაიოლდება. დამხმარის პოზიციაზე აღმოჩენის ყველაზე დიდი შანსი კი "აიაქსის" მარჯვენა მცველს, ნუსაირ მაზრაუის აქვს. "ბარსელონა" მის დამატებაზე სერიოზულად ფიქრობს, რადგან ზაფხულში ის თავისუფალი აგენტი იქნება, დაცვის მარჯვენა ფლანგი, ამ პოზიციაზე არაერთი ფეხბურთელის ყოლის მიუხედავად, გუნდისთვის ისევ პრობლემურია და რაც მთავარია, ეს კლუბს ჰოლანდის ტრანსფერში დაეხმარება.
მაზრაუის დამატების სურვილს "მილანი" და "დორტმუნდიც" გამოთქვამენ, მაგრამ ცნობილია, რომ მისთვის ბრძოლაში ფავორიტი "ბარსელონაა".
ამ სიახლეზე კომენტარები გათიშულია.
კომენტარები [ 7 ]