რონალდ კუმანი: შანსი რომ მქონდეს, ბარსელონაში კიდევ დავბრუნდებოდი

“ბარსელონაში” მუშაობისას ბევრი რამ ჩემ წინააღმდეგ იყო, თუმცა მიუხედავად ამისა, თუ შესაძლებლობა მექნება, იქ დავბრუნდები. “ბარსას” მიმართ ჩემი სიყვარული უზარმაზარია.

როდესაც პრეზიდენტს შენთან დაკავშირებით ეჭვები აქვს, ეს პრობლემაა.

ჩვენ ერთი სეზონი მაყურებლების გარეშე ვითამაშეთ, რაც რთულია. ასევე, არ ველოდი მესისა და გრიზმანის წასვლას. მე ბევრი გამოვიარე. ვერ ვიფიქრებდი, რომ ეს ყველაფერი მოხდებოდა, თუმცა ცხოვრება ასეთია.

როდესაც ბართომეუ გადადგა, მე კლუბის სპიკერი გავხდი. მწვრთნელმა ვარჯიშზე, თამაშსა და მოგებაზე უნდა იფიქროს, მე კი სხვადასხვა კითხვებზე პასუხი მიწევდა, რაც ჩემი საქმე არ იყო.

ვფიქრობ, “ბარსასგან” მეტი მხარდაჭერა დავიმსახურე. 

“ბარსელონაში” გატარებულ პირველ სეზონში კოპა დელ რეი მოვიგეთ, ლა ლიგაში კი კარგი სვლა გვქონდა. ვფიქრობ, ყველა პრობლემის გათვალისწინებით, ეს მისაღები შედეგი გახლდათ.

ლაპორტამ მითხრა: “ხვალ მესის კონტრაქტს გავუხანგრძლივებთ”, მომდევნო საღამოს კი ლეომ კლუბი დატოვა.

პედრიმ ყველაზე მეტად გამაკვირვა, რადგან ის პირველივე ვარჯიშზე ძალიან მაღალი დონის ფეხბურთელის შთაბეჭდილებას ტოვებდა. ის შთამბეჭდავი იყო. “ბაიერნს” მისი შეძენა ძალიან უნდოდა, მე კი კლუბს ვუთხარი, რომ პედრი გუნდში რჩებოდა.

ყველა ახალაზრდა: არაუხო, მინგესა, პედრი, გავი, ნიკო, გავი, ძალიან მონდომებული იყო. მათთან არანაირი პრეტენზია არ მაქვს. მათი თამაშის ხილვა სიამოვნებას მანიჭებს.

მესის გაწვრთნა შესანიშნავი იყო. ის დიდ პატივს მცემდა და პირიქით. მე ლეოს დახმარებას ვცდილობდი, ჩემი მწვრთნელობის პირველ წელს ის ფენომენალური იყო – მან 35 გოლი გაიტანა.