ანხელ ალარკონი ბარსელონასთან კონტრაქტს გაახანგრძლივებს

Relevo-ს ინფორმაციით, ანხელ ალარკონი “ბარსელონასთან” კონტრაქტს გაახანგრძლივებს – ფეხბურთელთან 2-წლიან ხელშეკრულებაზე თითქმის ყველაფერი შეთანხმებულია.

ალარკონს “ბარსა ატლეტიკის” რიგებში დაარეგისტრირებენ, თუმცა, როცა საჭირო გახდება, პირველი გუნდის განკარგულებაშიც იქნება. ის “ლა მასიაში” ჩავის ერთ-ერთი ფავორიტი მოთამაშეა და, ლევანდოვსკი-ტორესის დისკვალიფიკაციის ფონზე, შესაძლოა, ლა ლიგაში მისი დებიუტი “ჟირონასთან” (28 იანვარს) შედგეს.

“ბარსაში” 18 წლის თავდამსხმელის დებიუტი “სეუტასთან” კოპა დელ რეის მერვედფინალში გამართულ მატჩში შედგა. 3 დღის შემდეგ კი ის “ხეტაფესთან” შეხვედრის განაცხადშიც იყო, მაგრამ არ უთამაშია.