ორი არდანიშნული აშკარა პენალტი და ერთი მსაჯი

ჯერჯერობით ვერავის გაუგია, როგორ მოხდა, რომ “ინტერთან” მატჩის ბოლო წუთებზე მეტოქის საჯარიმოში მყოფ ანსუ ფატის დასარტყმელად გამზადებული თავიდან ბურთი ხელით ააცალეს, ამ დროს ხელი არაბუნებრივ მდგომარეობაში იყო და თერთმეტმეტრიანი მაინც არ დაინიშნა.

უფრო სწორად, ერთადერთი ადამიანია, რომელსაც გაუგია და ესაა ნიდერლანდელი მსაჯი პოლ ვან ბუკელი. სწორედ ის იყო “ინტერისა” და “ბარსელონას” თამაშის ვიდეორეფერი და მან დააჯერა მთავარ მსაჯ სლავკო ვინჩიჩს, რომ “ბარსას” ხელი ხელია, ხოლო “ინტერის” ხელი ხელი არაა.

კიდევ რა ვიცით ამ მსაჯზე? ის ვიდეორეფერი იყო “ბაიერნისა” და “ბარსელონას” შორის გამართულ შეხვედრაშიც. ვიდეორეფერის რომელი გადაწყვეტილება გვახსოვს ამ თამაშიდან? არდანიშნული თერთმეტმეტრიანი უსმან დემბელეზე. ამ ეპიზოდზე მთელი მსოფლიო შეთანხმდა, რომ პენალტი უნდა დანიშნულიყო, პოლ ვან ბუკელის გარდა. თუმცა UEFA-მ იგივე მსაჯი იმავე პოზიციაზე მომდევნო ტურშივე, ისევ “ბარსელონას” მატჩში დანიშნა და როგორც გაირკვა, ისევ “ბარსელონას” წინააღმდეგ.