ჟორდი კრუიფმა ბარსელონასთან კონტრაქტი გაახანგრძლივა

Sport-ის ინფორმაციით, ჟორდი კრუიფმა “ბარსელონას” კონტრაქტი, რომელიც მიმდინარე წლის სექტემბერში იწურებოდა, 1 წლით გაახანგრძლივა.

ნიდერლანდელი სპეციალისტი სპორტული დირექტორის პოზიციას დაიკავებს და “ბარსაში” მინიმუმ კიდევ 1 სეზონით იმუშავებს. აქამდე ჟორდი ტექნიკური მდივანი იყო, ახლა კი ის მატეუ ალემანისთან ერთად იმუშავებს. 

“ბლაუგრანა” კრუიფის მიერ გაწეული სამსახურით კმაყოფილია და მიიჩნევს, რომ ფეხბურთელების შერჩევისას, ჩავი ერნანდესთან ერთად, ის მთავარ როლს თამაშობს. ჟორდის ალემანისთან შესანიშნავი ურთიერთობა აქვს და სანამ იგი სპორტულ გეგმას ადგენს, მატეუ მოლაპარაკებებს აწარმოებს. 

კრუიფი “ბარსელონაში” ჟოან ლაპორტამ გასული წლის აგვისტოში მოიყვანა.