Sport: ენდრიკი ნაპოლისთან შეხვედრას დაესწრება

15 წლის ბრაზილიელი ფეხბურთელი, ენდრიკი ხუთშაბათს “კამპ ნოუზე”, “ბარსელონასა” და “ნაპოლის” შეხვედრას დაესწრება, იტყობინება Sport-ი.

კატალონიური გამოცემა წერს, რომ ენდრიკი, რომელიც “ბლაუგრანას” ინტერესთა სფეროშია, შვებულებას, ოჯახთან ერთად, ევროპაში ატარებს. ამჟამად იგი პარიზში იმყოფება და “პარი სენ-ჟერმენსა” და “რეალს” შორის ჩემპიონთა ლიგის მერვედფინალურ მატჩს დაესწრება. შემდეგ კი, იგი ბარსელონაში გაემგზავრება.

ახალგაზრდა შემტევი, რომელიც “პალმეირასის” 20-წლამდელთა გუნდის წევრია, ევროპის არაერთი გრანდის სამიზნეა, მათ შორის “ბარსელონასიც”. რამდენიმე დღის წინ, Sport-მა მასთან ინტერვიუ ჩაწერა.