ესპანიოლი-ბარსა – შემადგენლობა და პროგნოზი ქართველი გულშემატკივრების ვერსიით

ჩვენი საიტი მომხმარებლებს საშუალებას აძლევს, ყოველი თამაშის წინ მწვრთნელის როლი მოირგონ და სასურველი შემადგენლობა დააყენონ.

დღევანდელ გამოკითხვაში მომხმარებლების 89%-მა უპირატესობა 4-3-3 წყობას მიანიჭა.

გულშემატკივრებმა ერთხმად აირჩიეს ტერ შტეგენი (100%), პიკე (95%), ალბა (100%) და ადამა ტრაორე (95%). შემადგენლობაში მოხვედრილთაგან ყველაზე ცოტა, 74% ბუსკეტსმა მიიღო.

გთავაზობთ ჩვენი მომხმარებლების მიერ “ესპანიოლთან” დღევანდელი მატჩისთვის შედგენილ სასტარტო შემადგენლობას:

ტერ შტეგენი – დესტი, პიკე, არაუხო, ალბა – ბუსკეტსი, ფ. დე იონგი, პედრი – ტორესი, ობამეიანგი, ტრაორე.

რაც შეეხება პროგნოზს – მომხმარებელთა უმეტესობა მიიჩნევს, რომ “ბარსელონა” ანგარიშით 3-1 მოიგებს.

თამაშის დასრულებისთანავე ჩვენს მომხმარებლებს საშუალება ექნებათ, “ბარსელონა”, მისი მწვრთნელი და თითოეული ფეხბურთელის თამაში შეაფასონ.