ჩავის პრესკონფერენცია მალიორკასთან თამაშის წინ

კრიტიკულ სიტუაციაში ვიმყოფებით. 17-18 ფეხბურთელი გვაკლია. ივარაუდება, რომ დღეს უმტიტი დაგვიბრუნდება, რომლის ტესტმა უარყოფითი პასუხი აჩვენა.

დემბელეთი იმედგაცრუებული არ ვარ. მოლაპარაკებები მიმდინარეობს და წარმომადგენლები მუშაობენ. ჩვენ, კლუბს, ძალიან მკაფიო პოზიცია გვაქვს. კვლავ უსმანის გამოხმაურებას ველოდები.

თამაშის გადასადებლად შესაფერისი მომენტია. საღად უნდა ვიაზროვნოთ. ხვალ თამაშს აზრი არ აქვს.

დემბელეს კიდევ ვესაუბრე და იმედი მაქვს, ჩვენი პოზიციები ერთმანეთს მიუახლოვდება. მას ჩვენი დახმარება შეუძლია. უსმანი გვჭირდება. მან იცის, რომ ეს დარჩენისთვის შესანიშნავი შესაძლებლობაა.

ფერან ტორესი ბრწყინვალე შენაძენია. დარწმუნებული ვარ, ის ბევრ რამეს შეგვმატებს. მას შეტევაში სხვადასხვა პოზიციაზე თამაში შეუძლია.

ფეხბურთელები უნდა გავუშვათ… თუ დემბელესთან კონტრაქტის გახანგრძლივებას შევძლებთ, ფერანს დავარეგისტრირებთ და ტრანსფერს კიდევ განვახორციელებთ… უნდა მოვიცადოთ.

მორატა? მინდა ჩვენ ფეხბურთელებზე ვისაუბრო. ფერანი და ალვესი ძალიან დაგვეხმარებიან… სხვა დანარჩენი ჰიპოთეზაა. მორატა, ჰოლანდი… ამ მოთამაშეებზე საუბარი ჩემი საქმე არაა. მირჩევნია, ჩვენ ფეხბურთელებზე ვილაპაკო.

დემბელესთან მოლაპარაკებები მიმდინარეობს, ჩვენ ვიცდით. კლუბის წარმომადგენლები შეხვედრას კიდევ გამართავენ. ვნახოთ, რა მოხდება.

პედრი, ფატი და დეპაი დაბრუნებასთან ახლოს არიან, მაგრამ ხვალ მათი თამაშის იმედი არ გვაქვს.

“მალიორკასაც” რთული სიტუაცია აქვს, კოვიდდადებითი ფეხბურთელები მათაც ჰყავთ… თუ ეს თამაში არ გადაიდო, აღარაფერი ვიცი… რამდენიმე თვის წინ “სევილიასთან” მატჩი სანაკრებო პაუზის გამო გადაიდო, მაშინ მხოლოდ რამდენიმე ფეხბურთელი გვაკლდა.

წამსვლელ ფეხბურთელებზე მუშაობა მიმდინარეობს. სატრანსფერო ფანჯარა დღეს გაიხსნა და წინ ერთი თვეა. ბევრი რამ უნდა შეფასდეს, მაგრამ იმისათვის, რომ ფეხბურთელები მოვიდნენ, წამსვლელები უნდა წავიდნენ. ეს ძალიან აშკარაა.

დემბელეს ჩვეულებრივ ვესაუბრები. უსმანს ვეუბნები, რომ ჩვენთვის მნიშვნელოვანი ფეხბურთელია, რომ გვჭირდება, რომ მნიშვნელოვანია კლუბის მომავლისთვის. შემიძლია, მას მხოლოდ სპორტული კუთხით ველაპარაკო.

პუჩისთვის, ისევე, როგორც ყველასთვის, ვინც ხვალ ითამაშებს, შესაძლებლობაა იმის დასამტკიცებლად, რომ მათ აქ ყოფნა შეუძლიათ.

დარწმუნებული ვარ, დემბელე სხვა გუნდში უფრო ბედნიერი არ იქნება. მას ვეუბნები, რომ მსოფლიოს საუკეთესო კლუბშია და ვაცნობ სპორტულ პროექტს, რომელიც ეკონომიკურ მხარეს აღემატება.

ჩემთვის ხვალ თამაში სიგიჟეა. ასეთ სიტუაციაში სხვა ვერაფერზე ვფიქრობ.