ბოლო ორი დღის განმავლობაში “ბარსელონას” სამ ფეხბურთელს: დანი ალვესს, კლემან ლანგლესა და ჟორდი ალბას, კორონავირუსი დაუდასტურდა, რაც “მალიორკასთან” მატჩის წინ სერიოზული დანაკლისია.
თუმცა Covid19-ს არც “ბლაუგრანას” მეტოქისთვის დაუკლია რამე – პირიქით, უფრო მეტად დააზარალა. Esport3-ის ინფორმაციით, “მალიორკაში” კორონავირუსი 7 პირს დაუდასტურდა, რომელთაგან 4 ფეხბურთელია, 3 კი – სამწვრთნელო შტაბის წევრი. დასახელებული წყაროსთვის მათი ვინაობა უცნობია.
“ბარსელონა” და “მალიორკა” ერთმანეთს 2 იანვარს, თბილისის დროით, 23:55 საათზე “ვიზიტ მალიორკაზე” დაუპირისპირდებიან.
ჩვენ კი ბალდეც დაგვემატა, ეგება გადადოს ფედერაციამ ეს თამაში.
ბალდესაც კორონა დაუდასტურდა აგერ მალიორკაშიც კორონაა ხოდა გადაგვიდონ თამაში
ტებასი არ გადადებს დარწმუნებული ვარ
ფედერაციას ისე ეზიზღება ბარსა რომ არამგონია გადაიდოს თამაში, აგერ ჩელსის 17 ფეხბურთელი ჰყავდა ხელმისაწვდომი და აქედან 3 მეკარე იყო, მაინც არ გადადეს იქ და აქ სანამ 10 კაცი არ დაგვრჩება იქამდე არ დაგვეხმარებიან