მსოფლიო ჩემპიონატის შესარჩევ ეტაპზე, აშშ-ისა და იამაიკის ნაკრებების შეხვედრაში (2-0), სერჟინიო დესტმა მოედანი ნაადრევად დატოვა. “ბარსელონას” მარჯვენა მცველს მატჩის დასრულებამდე 14 წუთით ადრე კუნთი დაეჭიმა.
ფეხბურთელს ტკივილმა მალე გაუარა, დღეს ჩატარებული გამოკვლევებით კი ტრავმა გამოირიცხა. ასე რომ, დესტი ვარჯიშს ჩვეულ რეჟიმში გააგრძელებს.
რონალდ კუმანის განკარგულებაში დაბრუნებამდე სერჟინიო ნაკრებთან ერთად მონაწილეობას კიდევ 2 მატჩში მიიღებს. ორშაბათს (თბილისის დროით; ადგილობრივი დროით კი – კვირას) აშშ პანამას დაუპირისპირდება, 3 დღის შემდეგ კი კოსტა რიკას.
არ დაასვენოთ, სანამ არ დაეცემა მოედანზე.