სიუტატ ესპორტივაზე სეზონის პირველი ვარჯიში მიმდინარეობს

“ბარსელონამ” 2021/22 წლების სეზონისთვის მზადება დაიწყო.

დღეს, “სიუტატ ესპორტივაზე” ახალი სეზონის პირველი სავარჯიშო სესია იმართება. მასში მონაწილეობას პირველი გუნდიდან დესტი, პიკე, პიანიჩი, პუჩი, კოუტინიო, ნეტუ, რობერტო და უმტიტი იღებენ, ხოლო “ბარსა B-დან” კი – ხავი, კომასი, ნიკო, ტენასი, კოლიადო, პენია და ახალწვეული იუსუფ დემირი.

აღსანიშნავია, რომ სარეზერვო გუნდიდან ვარჯიშში ვერ მონაწილეობენ ილიასი და რამოს მინგო, რადგან მათ გუშინ, კორონავირუსი დაუდასტურდათ.

As-ის ცნობით, ბაზაზე ფეხბურთელები ჟოან ლაპორტამ მოინახულა და კაპიტნებს (პიკე, რობერტო) კლუბის სახელფასო ბიუჯეტთან დაკავშირებით შექმნილი პრობლემების შესახებ ესაუბრა.