პედრი, ბუსკეტსი და გარსია პორტუგალიას დაუზავდნენ; დესტი ფინალშია

გუშინ “ბარსელონას” ფეხბურთელების მონაწილეობით ეროვნულ ნაკრებთა 4 მატჩი გაიმართა. 

ესპანეთის ნაკრებმა მადრიდში, “ვანდა მეტროპოლიტანოზე”, პორტუგალიას ამხანაგურ შეხვედრაში უმასპინძლა. “ბარსას” ძირითად შემადგენლობაში სერხიო ბუსკეტსი წარმოადგენდა, რომელმაც მოედანი მეორე ტაიმში დატოვა. სათარიგოთა სკამიდან თამაშში პედრი და ერიკ გარსია ჩაერთნენ, ჟორდი ალბას მოედანზე გაყვანა კი მთავარმა მწვრთნელმა, ლუის ენრიკემ, საჭიროდ არ ჩათვალა. 

მატჩი უგოლოდ დასრულდა. 

[media=https://www.youtube.com/watch?v=–IiOxIZ3f8]

CONMEBOL-ის რეგიონში ბრაზილიამ და ურუგვაიმ ითამაშეს. “სელესაომ” ეკვადორი მიიღო და 2-0 დაამარცხა, თუმცა “ბარსელონას” მიერ ახლადდამატებული ემერსონი მოედანზე არ გვინახავს. სათადარიგოთა სკამზე დარჩა რონალდ არაუხოც, რომლის ნაკრებმა პარაგვაისთან ფრედ, 0-0 ითამაშა. 

აშშ-ის ნაკრები სერჟინიო დესტთან ერთად CONCACAF-ის ერთა თასის ფინალში გავიდა. ამერიკელებმა ჰონდურასს 1-0 მოუგეს, ტურნირის გადამწყვეტ დაპირისპირებას კი მექსიკის წინააღმდეგ გამართავენ.