ელ კლასიკო: რონალდ კუმანის მატჩის წინ

გუნდი თავდაჯერებულია. “რეალთან” შესანიშნავი მატჩი გველის, თამაშის გაუმჯობესება მათაც შეძლეს. ლა ლიგისთვის ორივე ვიბრძვით, ხვალინდელი თამაში ძალიან მნიშვნელოვანია, თუმცა არა გადამწყვეტი. წინ კიდევ ბევრი მატჩი გველის და ხვალ გამარჯვება ჩვენს მოტივაციაზე დადებითად იმოქმედებს.

“კლასიკო” განსხვავებული თამაშია. “რეალსაც” აკრიტიკებდნენ, თუმცა ისინი კვლავ იბრძვიან. მათ მიმართ კრიტიკას არ ვეთანხმები, რადგან საოცარი ფეხბურთელები ჰყავთ.

მათ თამაში სხვადასხვა სისტემით შეუძლიათ, მაგრამ ჩვენ ჩვენს სამუშაოზე უნდა ვკონცენტრირდეთ და მეტოქეზე ზეწოლის განხორციელება ნებისმიერი სქემით უნდა შევძლოთ.

ჟერარი და სერჟი გუნდის მნიშვნელოვანი წევრები არიან. ისინი, ფიზიკურად, კარგ კონდიციაში იმყოფებიან და მზად არიან, გუნდს დაეხმარონ.

ჩემთვის, ფეხბურთელი მოედანზე გასვლამდე ფიზიკურად და მენტალურად იდეალურ მდგომარეობაში უნდა იყოს, თუმცა ისინი კაპიტნები არიან და, მათი როლიდან გამომდინარე, ასეთ თამაშებში მონაწილეობა მნიშვნელოვანია. საუკეთესო თერთმეტეულის დაყენებას ვაპირებთ.

მათ უმაყურებლობის პერიოდის “სანტიაგო ბერნაბეუზე” სამუშაოების ჩატარებისთვის გამოყენება გადაწყვიტეს. ჩემთვის, “ვალდებებასზე” თამაში განსაკუთრებულ პრობლემას არ წარმოადგენს.

იგი ორივე პოზიციაზე ძალიან პროდუქტიულია. ბურთის მოგერიებაც შეუძლია და მეტოქის საჯარიმოში ჩასვლაც. ხვალ, ფეხბურთელებთან ვისაუბრებ და გადაწყვეტილებას ამის შემდეგ მივიღებთ.

მათ ორი მნიშვნელოვანი დანაკლისი აქვთ, ერთ-ერთი კი კაპიტანია, მაგრამ ასეთი დანაკლისები ჩვენც გვაქვს. პიკე და სერჟი რობერტო თამაშს დიდი ხნის განმავლობაში ვერ ახერხებდნენ, ისევე, როგორც ფატი და კოუტინიო.

ვფიქრობ, ლა ლიგისთვის კარგი იქნება თუ საუკეთესო მოთამაშეები აქ იქამდე დარჩებიან, ვიდრე უმაღლეს დონეზე თამაშს შეძლებენ. იმედი მაქვს, რომ რამოსი კარიერას “რეალში” გააგრძელებს.

ვიმედოვნებ, რომ ლეოს კარგი თამაში ექნება. ჩვენ საუკეთესო მესი გვჭირდება, თუმცა ასევე, გვჭირდება საუკეთესო “ბარსა”.

პირველი წრის “კლასიკოში” წინ გასვლის არაერთი შანსი გვქონდა, თუმცა პენალტმა მატჩის შედეგზე ზეგავლენა მოახდინა. მას შემდეგ, მოვუმატეთ, თუმცა ეს არ ნიშნავს იმას, რომ მაშინ ცუდად ვთამაშობდით.

ახლა, სისტემა შევცვალეთ და უფრო ეფექტურები ვართ, კარგ ფორმაში შევედით და ხვალ ჩვენი თამაში უნდა ვითამაშოთ, ფეხბურთელებისგან სწორედ ამას ვითხოვ.

ბურთი არ უნდა დავკარგოთ და ცარიელი სივრცეები არ უნდა დავტოვოთ. ამიტომაც ვამბობ, რომ ჩვენი თამაში უნდა ვითამაშოთ. მეტოქეს პატივს ვცემ, თუმცა ჩვენ მიერ არჩეულ გზას არ უნდა გადავუხვიოთ.

მისი ერთი ერთზე თამაში შესაძლოა, ჩვენთვის, გადამწყვეტი აღმოჩნდეს. იგი მნიშვნელოვანი ფეხბურთელია და მნიშვნელოვანი ფეხბურთელები ხვალ მოედანზე უნდა იყვნენ.

ხანდახან, არბიტრებზე საუბრები მიდის, თუმცა, ვფიქრობ, რომ ყველა მათგანი მიუკერძოებელია და გადაწყვეტილებას იმის მიხედვით იღებენ, რასაც ხედავენ. ჩვენ, მსაჯის ნაცვლად, ყურადღება საკუთარ თავზე უნდა გავამახვილოთ.

დრო და მოთმინება ყველა მწვრთნელს სჭირდება, რათა საჭირო ცვლილებების განხორციელება შეძლოს. რამდენიმე თამაში წავაგეთ, მიუხედავად იმისა, რომ მარცხს არ ვიმსახურებდით. სისტემა შევცვალე, თუმცა მთავარი ისაა, რომ წინსვლისთვის ერთად ვმუშაობდით.

ასეთ თამაშებში გამოცდილება ბევრს ნიშნავს, მაგრამ ახალგაზრდა მოთამაშეებს გამოცდილების მიღებისთვის სწორედ ასეთ მატჩებში მონაწილეობა სჭირდებათ. მათ ყველაზე გამოცდილი ფეხბურთელები უნდა დაეხმარონ, ამას განსაკუთრებული მნიშვნელობა აქვს.

ბევრი ახალგაზრდა ფეხბურთელი გვყავს და მათთან მიმართებით მოთმინება უნდა გამოვიჩინოთ.