ოსკარ მინგესას ინტერვიუ COPE-თან

“ზაფხულში მითხრეს, რომ ამხელა სათამაშო დროს ვერ დამპირდებოდნენ. ახლა პირველ გუნდთან ერთად თამაში რეალობაა და მეც საკუთარ თავზე მუშაობას ვაგრძელებ. ვხვდები, რომ ადრე შემადგენლობაში არსებული ხშირი ტრავმიანობის გამო მიწევდა თამაში, მაგრამ მას შემდეგ რაც რონალდ კუმანმა ახალგაზრდებს ნდობა გამოგვიცხადა, ჩვენი კარგი თამაშის, ენთუზიაზმისა და სამაგალითო ქცევის სახით, მას ეს ქმედება დადებითად დაუბრუნდა.”

“ერიკ გარსიას დამატება? “ბარსა” მსოფლიოში საუკეთესო კლუბია და აქ მსოფლიოში საუკეთესო ფეხბურთელები მოდიან. შედეგად კლუბს გარანტირებულად კარგი შემადგენლობა ჰყავს, როგორც ძირითადში ისევე სათადარიგოთა სკამზე.”

“ჩვენ ვიბრძოლებთ ყველა თამაშში და სეზონის ბოლოს უკვე ტიტულებზე ფიქრის დროც მოვა.”

“იმ მომენტიდან, როდესაც პირველ გუნდს შევუერთდი მესი ყოველთვის ბედნიერი, თამაშში ჩართული და მოტივირებული იყო. მატჩების წინ შეგიძლიათ დაინახოთ კიდეც მისი ქცევა, როგორც მისი, ასევე მთელი გუნდის. ჩვენ ერთმანეთთან ძალიან ახლო კავშირი გვაქვს და სწორედ ესაა გზა ჩემპიონობისაკენ.”

“ლაპორტას მიმართ ძალიან კარგი დამოკიდებულება მაქვს. ის გასახდელში ყველას ცალცალკე შეგვხვდა, მადლიერი ვარ იმ სიტყვებისათვის, რომელიც მან გასახდელში გვითხრა. სასიამოვნოა, როდესაც პრეზიდენტს ფეხბურთელებთან ასეთი ახლო ურთიერთობა აქვს.”

“12-ქულიანი სხვაობისას ვთქვი და ახლაც გავიმეორებ, ბრძოლას გავაგრძელებთ იქამდე, სანამ მათემატიკური შანსები არსებობს. ვეცდებით, ქულები საერთოდ არ დავკარგოთ და “ატლეტიკო” მაქსიმალური წნეხის ქვეშ მოვაქციოთ.”