“ბარსელონა” ურუგვაელი ტალანტით დაინტერესდა

“ბარსელონა” ახალგაზრდა ურუგვაელი ფეხბურთელის, ნიკოლას სირის შეძენით დაინტერესდა და მის განვითარებას ყურადღებით აკვირდება. ინფორმაცია Sport-ს ეკუთვნის. 

“დანუბიოს” ფორვარდი აპრილში 17 წლის ხდება, თუმცა პირველ გუნდთან ერთად ეროვნულ ჩემპიონატში თავის გამოჩენის შანსი უკვე ჰქონდა და “ბოსტონ რივერის” წინააღმდეგ გუშინ ჩატარებულ შეხვედრაში ჰეთ-თრიქის შესრულებაც კი შეძლო. მიმდინარე სეზონში მის ანგარიშზე 5 მატჩი და 4 გოლია. 

ამ ასაკის ფეხბურთელის ასეთი შედეგები, რა თქმა უნდა, ბევრი კლუბის ყურადღებას იპყრობს, “ბარსელონას” უპირატესობა კი ურუგვაელ აგენტებთან და ადგილობრივ კლუბებთან ახლო ურთიერთობაა.