200 მილიონიანი ინვესტიცია – შემოთავაზება ოთხი სპონსორისგან

ბართომეუს გადადგომის შემდეგ, ლაპორტას გამარჯვებამდე, კლუბს კარლეს ტუსკეტსი მართავდა, რომელიც მიიჩნევს, რომ ამ მოკლე ხანში ნაყოფიერი სამუშაო გასწია და ჟოან ლაპორტას არჩევანის საშუალება დაუტოვა. როგორც ტუსკეტსი ამბობს, კლუბს ოთხი სპონსორისგან აქვს 200 მილიონიანი შეთავაზება. 

ყველასათვის ცნობილია, რომ “ბარსა” მძიმე ფინანსურ მდგომარეობაშია, მაგრამ მეორე მხრივ ეს შანსია იმ კომპანიებისთვის, რომლებსაც ყოველთვის სურდათ “ბარსასთან” თანამშრომლობა, წინა წლებში თუ დიდი კონკურენციის ფონზე ამის შანსი არ ჰქონდათ, ახლა “ბარსა” ყველა შეთავაზებას განიხილავს, რადგან სხვა გზა უბრალოდ არ აქვს. 

“შევეცადე, რომ ახალი პრეზიდენტისთვის კარგი ნიადაგი დამეხვედრებინა, მოლაპარაკებების დასაწყებად ყველაფერი მზად არის, შემიძლია ვთქვა, რომ ოთხი სპონსორი იჩენს ინტერესს, რომლებიც მზად არიან მინიმუმ 200 მილიონი ევროს ინვესტირებისთვის” – განაცხადა ტუსკეტსამ RAC1-თან და TV3-თან ინტერვიუში. 

“ყველაზე რთული იყო ყოველდღიურად ვალის გადახდა, ისე, რომ ხელშეკრულება არ დაგვერღვია, ასევე, რთული იყო ფეხბურთელებისთვის იმის ახსნა, რომ მათი ხელფასები უნდა შეგვემცირებინა.” 

ტუსკეტსმა აღიარა, რომ ბოლო დროს ძალიან ინერვიულა, რადგან ლაპორტას საპრეზიდენტო ბიუჯეტის წარსადგენად ძალიან მცირე დრო ჰქონდა, მაგრამ ჟოანმა პირველი ბარიერი გადალახა და ყველაფერი კარგად დასრულდა. 

“ხელახალი არჩევნები ყვეაფერს გააფუჭებდა, ბოლომდე მშვიდად არ ვყოფილვარ.”

“ჩვენ გვჭირდება ინვესტორი, რომელიც კლუბის ხარჯების 49%-ს დაფარავს, რა თქმა უნდა, ჯობია, გქონდეს იმ ორგანიზაციის 51%, რომელსაც შემოსავალი მოაქვს, ვიდრე გქონდეს 100%-იანი წილი, რომელსაც არანაირი შემოსავალი არ მოაქვს.”