ლეო მესის სტატისტიკა ფინალურ შეხვედრებში

ლეო მესის ფინალურ შეხვედრებში საკმაოდ კარგი სტატისტიკა აქვს.

სულ მესის 29 ერთმატჩიან ფინალში აქვს მონაწილეობა მიღებული, აქედან 22 შეხვედრაში გაიმარჯვა, 7 შეხვედრაში კი დამარცხდა. ამ შეხვედრებში მან 29 გოლის გატანა და 13 ასისტის გაკეთება შეძლო. 

2009 წელი “ლა პულგასთვის” ძალიან წარმატებული გამოდგა, ამ წელს მან 5 ფინალურ მატჩში მიიღო მონაწილეობა და ყველა მათგანში გაიმარჯვა. ყველაზე მეტჯერ მესიმ ფინალურ ეტაპზე “სევილიას” შეხვდა, “ბარსელონამ” მესისთან ერთად 7 შეხვედრაში 6 გამარჯვება მოიპოვა.

დღეს ესპანეთის სუპერ თასის ფინალში “ბარსელონა” “ბილბაოს” დაუპირისპირდება. ჯერ-ჯერობით არ არსებობს ოფიციალური ინფორმაცია იმის შესახებ, ითამაშებს თუ არა ლეო მესი ამ შეხვედრაში. ფინალური შეხვედრა თბილისის დროით 23 საათსა და 55 წუთზე გაიმართება.