“ბარსელონას” მომდევნო შეხვედრას დებიუტანტი არბიტრი განსჯის

ოფიციალურად დადასტურდა, რომ “ბარსელონას” ჩემპიონთა ლიგის ჯგუფური ეტაპის პირველი ტურის შეხვედრას 32 წლის არბიტრი, სანდრო შერერი განსჯის. 

შვეიცარიელ მსაჯს UEFA-ს ყველაზე პრესტიჟულ საკლუბო ტურნირზე დებიუტი ექნება – მას ლიგის შეხვედრაში მონაწილეობა აქამდე არ მიუღია. 

შერერი შვეიცარიის სუპერ ლიგაში 2013 წლიდან მსაჯობს, 2015 წლიდან კი FIFA-ს საერთაშორისო რანგის რეფერია. 

შეგახსენებთ, რომ პირველ ტურში “ბარსელონას” მეტოქე უნგრული “ფერენცვაროში” იქნება. შეხვედრა “კამპ ნოუზე” 20 ოქტომბერს გაიმართება.