“ბარსელონას” სემედუს შეცვლის ორი კანდიდატი ჰყავს

გავრცელებული ინფორმაციით, “ბარსელონას” ნელსონ სემედუს თაობაზე სარფიანი შეთავაზებები აქვს და მიუხედავად იმისა, რომ პრეზიდენტმა პორტუგალიელი მცველი იმ ფეხბურთელებს შორის დაასახელა, რომლებზეც ახალი გუნდის შენებისას იმედს დაამყარებს, კლუბი ტრანსფერზე უარს არ იტყვის. 

იმ შემთხვევაში, თუ “ბარსა” სემედუს გაყიდვაზე თანახმა იქნება, მარჯვენა მცველის დამატება მოუწევს. Mundo Deportivo-ს ცნობით, კატალონიელებს ორი კანდიდატი ჰყავთ შერჩეული: ჟოაუ კანსელუ და ექტორ ბელერინი. 

კანსელუს “მანჩესტერ სიტიში” კონკურენციის გაწევა კაილ უოკერთან უწევს და ძირითად შემადენლობაში ადგილი გარანტირებული არ აქვს. თავისი გუნდის რეგულარული მოთამაშე არც ბელერინია, თუმცა, ამის მიუხედავად, ინგლისურ კლუბებთან შეთანხმების მიღწევა ადვილი არ იქნება. 

სავარაუდოდ, “ბარსელონა” კანსელუს ან ბელერინის ტრანსფერში თავისი რომელიმე ფეხბურთელის ჩართვას ეცდება.