“ბარსელონას” ექს-მეკარე ლა ლიგაში ბრუნდება

“მანჩესტერ სიტის” უკვე ყოფილი მეკარე, კლაუდიო ბრავო კვლავ ლა ლიგაში ითამაშებს, ჩილელი ამჯერად “ბეტისის” ღირსებას დაიცავს. 

37 წლის მეკარე 2014-2016 წლებში “ბარსელონაშიც” ასპარეზობდა (75 მატჩი), პირველ ორ სეზონში კი შეიძლება ითქვას, რომ ტერ შტეგენი მისი რეზერვისტი გახლდათ, ბრავო ლა ლიგაში თითქმის ყველა შეხვედრაში მონაწილეობდა. 

ბრავომ “ბარსელონასთან” ერთად 7 ტიტული მოიგო, “კამპ ნოუმდე” კი ფეხბურთელი “რეალ სოსიედადის” რიგებში გამოდიოდა (2006-2014).