“ბარსელონა” ნახევარფინალშია! ქალთა გუნდმა “ატლეტიკო” დაამარცხა [ვიდეო]

“ბარსელონას” ქალთა გუნდმა ძალიან მნიშვნელოვანი შეხვედრა მოიგო: კატალონიელებმა UEFA-ს ჩემპიონთა ლიგის 1/4-ფინალში ესპანეთის მეორე უძლიერესი გუნდი, მადრიდის “ატლეტიკო” დაამარცხეს. 

“ბარსელონა” მოედანზე უპირატესობას ფლობდა, მატჩის ერთადერთი გოლი კი მე-80 წუთზე ჰეირა ამრაუიმ გაიტანა. 

“ბარსელონას” მომდევნო მეტოქე “ვოლფსბურგი” იქნება, რომელმაც დღეს “გლაზგო სიტის” 9-1 მოუგო. დანარჩენი ორი ნახევარფინალისტის ვინაობა ხვალ გაირკვევა. 

“ბარსამ” წინა სეზონში ფინალში გასვლა მოახერხა, მაგრამ “ლიონი”, რომელიც ხვალ “ბაიერნს” შეხვდება და დიდი ალბათობით დაამარცხებს, გაცილებით ძლიერი აღმოჩნდა. წელს “ბლაუგრანას” მეტის იმედი აქვს.