“ბარსას“ “ნაპოლისთან“ ბუსკეტსი და ვიდალი დააკლდებიან

“ბარსელონა” 7 აგვისტოს “ნაპოლისთან” შეხვედრას დანაკლისით ხვდება.

პირველ შეხვედრაში სერხიო ბუსკეტსის მიერ მიღებული ყვითელი ბარათისა და არტურო ვიდალის მხრიდან წითელი ბარათის გამო, “ბლაუგრანას” ძირითადი შემადგებლობის ორი ნახევარმცველი არ ეყოლება.

გარდა ამისა, ანტუან გრიზმანსა და ლეო მესის მეტი სიფრთხილე მართებთ. იმ შემთხვევაში თუ ისინი ყვითელ ბარათს მიიღებენ, მეოთხედფინალის გამოტოვება მოუწევთ.

შეგახსენებთ, რომ ნეაპოლელებთან პირველი შეხვედრა ფრედ, 1-1 დასრულდა. 

კატალონიელები საქმის ბოლომდე მიყვანას “კამპ ნოუზე” შეეცდებიან.