რა გავლენა აქვს მესის კლუბზე წელს – დადებითი და უარყოფითი მხარეები

ლა ლიგა ფაქტობრივად დასრულდა და უკვე თამამად შეგვიძლია იმის თქმა, რომ “ბარსელონა” ერთ ფეხბურთელზე ასეთი დოზით დამოკიდებული არასდროს ყოფილა.

მოდით მესის გუნდზე გავლენა განვიხილოთ და მისი დადებითი და უარყოფითი მხარეები გამოვყოთ.

დადებითი მხარე

გუნდის უალტერნატივოდ საუკეთესო ფეხბურთელი: რთული სათქმელი არაა, თუ ვინაა “ბარსელონას” გული და ვინ უნარჩუნებს ყველა იმ შანსს, რაც კლუბს ჯერ კიდევ აქვს.

გუნდის მთავარი კრეატივი: ლეო მესი მიმდინარე სეზონში “ბარსელონას” მიერ გატანილი გოლების 52.5%-ში მონაწილეობდა.

მეტოქე გუნდებისთვის შიშის მთავარი ფაქტორი: “ბარსელონას” განაცხადში ლიონელ მესის სახელი მეტოქე გუნდებისთვის მთავარი სამიზნეა და სწორედ არგენტინელი წარმოადგენს მათთვის ყველაზე საშიშ მოთამაშეს.

მიმზიდველი ადგილი სხვა ფეხბურთელებისთვის: სწორედ კაპიტანი არის მიზეზი იმისა, რის გამოც “ბარსას” ტოპ-კლასის ფეხბურთელების შეძენა მათი სურვილის გამო შეუძლია.

კლუბის სიმბოლო: ლეო “ბლაუგრანას” სიმბოლო აქამდეც, რა თქმა უნდა, იყო, თუმცა, ასეთი დომინანტური სეზონის შემდეგ ის გულშემატკივრებისთვის კიდევ უფრო სათაყვანებელ კერპად იქცა.

უარყოფითი მხარე

ზედმეტად დამოკიდებულება: “ბარსელონა” ლეოზე ძალიან დამოკიდებული გახდა. ფაქტობრივად ყოველი თამაშის შედეგი არგენტინელის ინდივიდუალური ოსტატობითაა განპირობებული.

იერარქიულობა: მესი შემადგენლობაში პირველი კაცია და ეს, რა საკვირველია, გუნდში იერარქიულობის პრინციპს ქმნის. მათ შორის კიკე სეტიენსა და ედერ სარაბისაც მოუწიათ ამის აღიარება, მიუხედავად იმისა, ეს მათთვის შეგუებადი იყო, თუ არა.

წინასწარმეტყველება: მესიზე “ბარსას” ასეთი დამოკიდებულება მეტოქე გუნდებისთვის გარკვეულწილად აიოლებს თავდაცვას. მათ უკვე იციან, რომ ყველაფერი ლეოთი იწყება და დიდი ალბათობით, დამაგვირგვინებელ ფაზაშიც არგენტინელი აღმოჩნდება.