“სელტა” vs “ბარსელონა” – მატჩისწინა მიმოხილვა

ლა ლიგის 32-ე ტურის შეხვედრას კატალონიელები “ბალაიდოსზე” გამართავენ. ვიგოელები საკმაოდ კარგ ფორმაში არიან, თუმცა, “ბარსას” სამი ქულის მოპოვება აუცილებლად სჭირდება.

გუნდების დანაკლისი

ბარსელონა

• ფრენკი დე იონგი, უსმან დემბელე და სერჟი რობერტო “ბარსას” ტრავმების გამო ვერ დაეხმარებიან.
• სერხიო ბუსკეტსი წინა შეხვედრაში მიღებული მეხუთე ყვითელი ბარათის გამო დისკვალიფიცირებულია.

“ბარსელონას” განაცხადი

სელტა

• ვიგოელების სათადარიგო მეკარე, სერხიო ალვარესი და მარცხენა მცველი, დავიდ ხუნკა, ტრავმირებულნი არიან.

მნიშვნელოვანი სტატისტიკა

• “ბარსელონა” ზედიზედ 5 მატჩია კარს მშრალად ინახავს;
• კატალონიელებმა ლა ლიგაში, “სელტას” წინააღმდეგ გამართული უკანასკნელი 5 შეხვედრიდან გამარჯვება მხოლოდ 2 მათგანში მოიპოვეს;
• 2015 წლის აპრილიდან ვიგოელებთან გასვლით შეხვედრებში “ბარსას” არც ერთი გამარჯვება არ აქვს მოპოვებული;
• ლა ლიგის უკანასკნელ 6 გასვლით შეხვედრაში კიკე სეტიენის გუნდმა მხოლოდ ორჯერ იმარჯვა;
• სეზონის პირველ შეხვედრაში “ბარსამ” “სელტა”, ლიონელ მესის ჰეთ-თრიქითა და სერხიო ბუსკეტსის გოლით, 4-1 დაამარცხა;

შესაძლო თერთმეტეულები

“ბარსელონას” XI: ტერ შტეგენი, სემედუ, პიკე, ლანგლე, ალბა, რაკიტიჩი, ვიდალი, პუჩი, მესი, ბრეითუეიტი, ფატი.

“სელტას” XI: ბლანკო, ვასკესი, აიდუ, მურილიო, ოლასა, რაფინია, იოქუსლუ, ბელტრანი, ასპასი, სმოლოვი, სუარესი.

მწვრთნელების კომენტარები

კიკე სეტიენი: “ისინი საკმაოდ ძლიერ კოლექტივს წარმოადგენენ. შეტევაში საკმაოდ ნიჭიერი თავდამსხმელები ჰყავთ. ვიმედოვნებ, სირთულეების მიუხედავად, გამარჯვებას შევძლებთ.” სეტიენის კომენტარი სრულად.

ოსკარ გარსია: “ნათელია, რომ მათ ერთი, სხვებისაგან აშკარად გამორჩეული ფეხბურთელი ჰყავთ. იმედია, მათ წარმატებული დღე არ ექნებათ.”

სავარაუდო შედეგები

Sportsmole: “სელტა” 0-2 “ბარსელონა”

Sportskeeda: “სელტა” 2-3 “ბარსელონა”

90 min: “სელტა” 0-2 “ბარსელონა”