ჟუნიორ ფირპო – “ბარსელონას” თილისმა

ჟუნიორ ფირპო, რომელიც “ბარსელონაში” პირველ სეზონს ატარებს, მაინცდამაინც, სახარბიელო ასპარეზობით ვერ გამოირჩევა, ყოველ შემთხვევაში, ჯერჯერობით. თუმცა მასთან ერთად გუნდი, თითქმის, ყველა თამაშს იგებს.

ფირპოს დებიუტი 21 სექტემბერს, ლა ლიგის მე-5 ტურში, “გრანადას” წინააღმდეგ, შედგა. შეხვედრა “ბარსელონამ” 0-2 დათმო, თუმცა მას შემდეგ, ფირპოსთან ერთად დადებითი შედეგის დაფიქსირება ყოველთვის ახერხებს – 15 გამარჯვება და 1 ფრე.

ერთადერთი თამაში, რომელიც ფრედ დასრულდა, ჩემპიონთა ლიგის მერვედფინალის პირველი შეხვედრა იყო (“ნაპოლი”, 1-1). გამარჯვებებს შორის კი გამორჩეული “დორტმუნდთან” (3-1), “ატლეტიკოსთან” (1-0), “ინტერთან” (2-1) და “ბეტისთან” (3-2) ჩატარებული შეხვედრებია.

მის ანგარიშზე ერთადერთი გოლია. მან 28 სექტემბერს “ხეტაფეს” კარი აიღო და მატჩის საბოლოო ანგარიში დააფიქსირა, 2-0.