“იუვენტუსმა” “ბარსელონას” მატია დე შილიო შესთავაზა

ცოტა ხნის წინ, “იუვენტუსის” სპორტულმა დირექტორმა, ფაბიო პარატიჩიმ განაცხადა, რომ ტურინელებსა და კატალონიელებს შორის მოლაპარაკებები მიმდინარეობს.

Mundo Deportivo-ს ინფორმაციით, იტალიელებმა “ბლაუგრანას” დე შილიო შესთავაზეს, რომელიც “ბარსას”, ნელსონ სემედუს წასვლის შემთხვევაში გამოადგება. 

ამასთანავე, იტალიელი მცველის ყიდვის შემდეგ, კიკე სეტიენი სერჟი რობერტოს ნახევარდაცვაში დააბრუნებს. თუმცა, “ბარსა” მატიაში ფულის გადახდას არ აპირებს და ბარტერი ურჩევნია.

მიმდინარე სეზონში, დე შილიომ, “იუვეს” მაისურით, 12 მატჩი ჩაატარა.