ოფიციალურად: “ბარსელონამ” ახალგაზრდა თავდამსხმელი იყიდა

22 წლის ალბანელი თავდამსხმელი რეი მანაი “ბარსელონას” საკუთრებაა. კატალონიურმა კლუბმა ტრანსფერი ოფიციალურად დაადასტურა.

ბოლო დროს ვრცელდებოდა ინფორმაცია, რომ “ბარსას” ალბანეთის ნაკრების შემტევი ბ გუნდისთვის უნდოდა და ასეც მოხდა. “ბლაუგრანას” სარეზერვო გუნდმა მანაი “ალბასეტედან” 700 ათას ევროდ შეიძინა. ბონუსების გათვალისწინებით, ტრანსფერის თანხა, შესაძლოა, 2 მილიონამდე გაიზარდოს. ფეხბურთლმა 3.5-წლიანი კონტრაქტი გააფორმა, მისი გამოსასყიდი თანხა კი 50 მილიონი ევროა.

მანაი, დიდი ალბათბით, აბელ რუისს ჩაანაცვლებს, რომელიც, სავარაუდოდ, ლისაბონის “სპორტინგში” გადავა.

რეი მანაიმ ფეხბურთის თამაში იტალიაში, “პიაჩენცაში” დაიწყო. შემდეგ იყო “კრემონეზე”, “სამპდორია” და “ინტერიც” კი, რომლის მაისურითაც ალბანელმა, 2015/16 წლებში, 6 თამაში ჩაატარა. “ინტერიდან” მანაი “პესკარაში”, “პიზასა” და “გრანადაში” გაანათხოვრეს, ხოლო 2018 წელს ის “ალბასეტეში” გაყიდეს. ესპანური გუნდის მაისურით ფეხბურთლმა 41 თამაში ჩაატარა და 10 გოლი გაიტანა. მის აქტივში ალბანეთის ნაკრებში ჩატარებული 11 მატჩი და 3 გოლიცაა.