”შახტარი” – ”ბარსელონა”. მატჩის სტატისტიკა

 – მეოთხედ ზედიზედ და ბოლო 6 წლის მანძილზე მეხუთედ ”ბარსელონა” ჩემპიონთა ლიგის 1/2 ფინალში გავიდა.

 – ”ბარსამ” პეპ გვარდიოლას მწვრთნელობის პერიოდში ფლეი-ოფის ეტაპზე პირველად მოიგო გასვლითი მატჩი.

 – ”შახტარმა” ჩემპიონთა ლიგაზე ”დონბას არენაზე” პირველი მატჩი წააგო.

 – ”ბარსას” ბურთის ფლობის მაჩვენებელმა 64% შეადგინა.

 – ლეო მესიმ მიმდინარე სეზონში 48-ე გოლი გაიტანა. ამ შედეგით ის ტელმო სარას გაუთანაბრდა (”ატლეტიკო”, 1950/51). წინა მიღწევა, 47 გოლი ერთ სეზონში სამ ფეხბურთელს ეკუთვნის: ფერენც პუშკაში (”რეალი”, 1959/60), რონალდო (”ბარსელონა”, 1996/97) და თავად მესი (”ბარსელონა”, 2009/10).

 – არგენტინელი ”ბარსელონას” ერთადერთი ფეხბურთელია, რომელმაც წელს ჩემპიონთა ლიგაზე ყველა მატჩში მიიღო მონაწილეობა.

 – ახალ პოზიციაზე მოთამაშე ხავიერ მასკერანომ ყველაზე მეტჯერ აართვა ბურთი მოწინააღმდეგეს (15).

 – გუნდის არცერთი ფეხბურთელი არ იმყოფება დისკვალიფიკაციის საფრთხის წინაშე.