“ბარსელონამ” წელს ჩემპიონატში პირველი ქულები დაკარგა

ლა ლიგის 22-ე ტურში, “ბარსელონამ” “ვალენსიას” უმასპინძლა. მატჩი დაძაბული გამოდგა და ფრედ, 2-2 დასრულდა. 

პირველ ტაიმში, სტუმრებმა ორბურთიანი უპირატესობა მოიპოვეს. ანგარიში 24-ე წუთზე კევინ გამეირომ გახსნა, 32-ზე კი დანი პარეხომ თერთმეტმეტრიანი დარტყმა გამოიყენა. მალევე, პენალტი საპირისპირო კარში დაინიშნა. ლიონელ მესიმ სხვაობა შეამცირა. 64-ე წუთზე, არგენტინელმა ლამაზი დარტყმით ანგარიში გაათანაბრა. 

შედეგად, “ბარსამ” სატურნირო ცხრილში მეორე ადგილზე მყოფ “ატლეტიკოსთან” ქულათა სხვაობა მხოლოდ ერთით გაზარდა. ამ ტურში, “ატლეტიკო” “ბეტისს” შეხვდება და ჩამორჩენის 3 ქულამდე შემცირებას შეეცდება. 

“ბარსელონა” მომდევნო მატჩს თასზე, 6 თებერვალს, მადრიდის “რეალის” წინააღმდეგ გამართავს.