“ბარსა ბ” “ესპანიოლის” რეზერვისტებთან დამარცხდა [ვიდეო]

სეგუნდა დივიზიონ ბ-ში ბარსელონური დერბი გაიმართა. “ესპანიოლის” სარეზერვო გუნდმა “ბარსა ბ”-ს უმასპინძლა და მინიმალური სხვაობით, 1-0 დაამარცხა. შეხვედრის ერთადერთი გოლი მე-15 წუთზე ვიქტორ კამპუსანომ გაიტანა. 

მეორე ტაიმის დასაწყისში “ესპანიოლი” 10 ფეხბურთელით დარჩა. გუნდს პოლ ლოსანო გაუძევეს, თუმცა ჩავი პიმიენტას გუნდმა უპირატესობის გამოყენება ვერ მოახერხა. 

10 ტურის შემდეგ, “ბარსა ბ” მე-6 ადგილზეა და პლეი-ოფის ზონას ერთადერთი ქულით ჩამორჩება.