არგენტინის ნაკრების მთავარი მწვრთნელის პოსტიდან გათავისუფლების შემდეგ, ხორხე სამპაოლიმ პირველი კომენტარი გააკეთა და განაცხადა, რომ წლევანდელი მუნდიალის წარუმატებლობის მიუხედავად, “ბარსელონას” ლიდერს ყველაზე მნიშვნელოვანი გუნდური ჯილდოს მოგება მაინც შეუძლია.
“ლეო მესის არგენტინის ნაკრებთან ერთად მსოფლიო ჩემპიონატის მოგება მაინც შეუძლია. მთავარია, გუნდი უფრო ორგანიზებული იყოს და მეტი თავდაჯერება ჰქონდეს.
დამარცხება არ ნიშნავს იმას, რომ გამარჯვების მოპოვების უნარი არ გაქვს. თუ საკუთარი თავის რწმენა გაქვს, შედეგის მიღწევას მოახერხებ.
ნაკრებში სწორი პროცესები უნდა წავიდეს. შეიძლება ამან შედეგი მაშინვე არ გამოიღოს და კოპა ამერიკა ვერ მოვიგოთ, მაგრამ წინსვლა უნდა გაგრძელდეს.
მესი ყველაზე მონდომებული იყო და წაგებასაც ყველაზე მეტად განიცდიდა, მის მხრებზე უდიდესი ტვირთი იყო, თანაგუნდელები კი ხშირად ვერ ახერხებდნენ, მისთვის დახმარება გაეწიათ. ეს საკმაოდ რთულია”. – თქვა სამპაოლიმ.
დიბალას და იკარდის რო არ გამოიყენებ რაზეა იქ ლაპარაკი
Auu gaajvi sheni ase da ise she mwvrtnelobis azze ar iyo fexburtelebs daabrale axla