გუშინ “ბარსელონა ბ” –მ სეგუნდა დივიზიონში 27–ე ტურის მატჩი გამართა “კორდობას” წინააღმდეგ და დამაჯერებლად იმარჯვა ანგარიშით 4:1. ეს იყო ზედიზედ მეორე გამარჯვება “სეგუნდა დივიზონში”, წინა ტურში გასვლაზე კატალონიელებმა “საკალათბურთო ანგარიშით” 4:6 იმარჯვეს, ახლა კი სახლში 4:1 დაამარცხეს მეტოქე, აღსანიშნავია, რომ ლუის ენრიკეს შეგირდებს შეტევაში ყველაფერი ძალიან კარგად აქვთ, ორ მატჩში მათ 10 ბურთის გატანა მოახერხეს.
პირველი ტაიმი ანგარიშით 0:0 დასრულდა, შემდეგი დაწყებისთანავე 48 – ე წუთზე ანგარიში სორიანომ გახსნა, უსერომ მალევე გაათანაბრა ანგარიში 50– ე წუთზე. ანგარიშის შენარჩუნება სურდათ “კორდობას” ფეხბურთელებს, მაგრამ კატალონიელებმა ამის შანსი მათ არ მისცეს, იგივე უსერომ მალე “დუბლი” შეასრულა, ოღონდ ბურთი არა მოწინააღმდეგეს, არამედ საკუთარ კარებში გაიტანა და ანგარიში 2:1 გახდა, ამის შემდეგ კატალონიელებმა მატჩის სადავეები ხელთ იპყრეს და სორიანომ და გარისამ მატჩში წერტილი დასვეს. საბოლოოდ მორიგი სამი ქულა მიითვალეს თავის ანგარიშზე კატალონიელებმა და სატურნირო ცხრილში მდგომარეობა აშკარად გამოისწორეს.
მატჩის მიმოხილვა:
[media=http://www.youtube.com/watch?v=OOQS4Da73Ds]
