დორტმუნდის “ბორუსიას” აღმასრულებელი დირექტორი ჰანს-იოახიმ ვატცკე აცხადებს, რომ ის კატალონიის “ბარსელონას” პატივს აღარ სცემს.
“2 კვირის წინ, “ბარსელონას” დიდ და საპატივცემულო კლუბად მივიჩნევდი. დღეს, ამაში დარწმუნებული აღარ ვარ.” – განაცხადა ვატცკემ.
ვატცკე მიიჩნევს, რომ უსმან დემბელეს მიერ “ბორუსიას” ვარჯიშზე გამოუცხადებლობის მიზეზი “ბარსელონაა”. ამის გამო, ცოტა ხნის წინ, კატალონიური კლუბი მიუნხენის “ბაიერნის” პრეზიდენტმა, ული ჰიონესმაც გააკრიტიკა.