მადრიდის “რეალის” ახალგაზრდა ცენტრალურმა მცველმა, ხესუს ვალიეხომ ტრავმა მიიღო და კვირას გასამართ “ელ კლასიკოში” მისი თამაში კითხვის ნიშნის ქვეშ დგას.
“სამეფო კლუბის” ოფიციალური ვებგვერდი ტრავმას ადასტურებს, თუმცა მკურნალობისთვის საჭირო დროის შესახებ ინფორმაციას არ ავრცელებს.
ხესუს ვალიეხო “რეალში” 2015 წელს, “სარაგოსადან” გადავიდა. გასული 2 სეზონი მან იჯარით ჯერ იმავე “სარაგოსაში”, შემდეგ კი “აინტრახტში” გაატარა. ახალი სეზონიდან ის მარდრიდელთა პირველ გუნდში 3 ნომრით ითამაშებს.
