“ბარსელონამ” დღეს დილით, ტიტო ვილანოვას სახელობის “სიუტატ ესპორტივაზე” მორიგი ვარჯიში ჩაატარა.
სავარჯიშო სესიაში მონაწილეობა ყველა ხელმისაწვდომმა ფეხბურთელმა მიიღო. ასევე სარეზერვო გუნდის რამდენიმე ფეხბურთელმაც ივარჯიშა: კარლეს ალენია, მარკ კარდონა, ალექს კარბონელი, იგნასიო აბელედო და ბორხა ლოპესი.
ეუსებიო საკრისტანის “რეალ სოსიედათან” მძიმე გამარჯვების შემდეგ “ბარსელონას” “იუვენტუსის” წინააღმდეგ ურთულესი საპასუხო მატჩი ელის, რომელიც ჩემპიონთა ლიგის 1/4 ფინალის ფარგლებში, ოთხშაბათს, “კამპ ნოუზე” შედგება. პირველ მატჩში, ტურინში კატალონიელები 0:3 დამარცხდნენ და ახლა, საკუთარ მოედანზე დეფიციტის აღმოფხვრას შეეცდებიან.
