“ბარსელონას” მთავარმა მწვრთნელმა, ლუის ენრიკემ, გუნდის კაპიტნის, ანდრეს ინიესტას მნიშვნელობა აღნიშნა, რომელიც ტრავმის გამო, “ეიბართან”, პრიმერას 19-ე ტურის მატჩს გამოტოვებს.
“ჩვენს შემადგენლობაში, ისევე როგორც მთელ მსოფლიოში, სხვა ინიესტა არაა და ეს პრობლემაა. მე საკმარისად ძლიერი ფეხბურთელები მყავს ამ პოზიციაზე, მაგრამ მთელ მსოფლიოში არავინ მინახავს, რომელიც ისე ითამაშებდა, როგორც ანდრესი.
მიუხედავად ამისა, ჩვენი გეგმები არ იცვლება. ჩვენი მიზნები ყოველთვის წინანდელად რჩება, მიუხედავად იმისა, თუ ვინ არის მზად სათამაშოდ. მთელი სეზონი კარგი მოგებათა სერია გვსურს, მაგრამ ჯერ-ჯერობით ეს არ გამოდის.” – ციტირებს ენრიკეს Marca.
