კატალონიის “ბარსელონას” მცველმა, ჟერარ პიკემ “მანჩესტერ სიტის” წინააღმდეგ გამართულ მატჩში, დავიდ სილვასთან შეტაკების შემდეგ სერიოზული ტრავმა მიიღო.
ფეხბურთელის რეაბილიტაციის პროცესი კარგად მიმდინარეობს. ესპანელი უკანახაზელი 19 ნოემბერს, “მალაგასთან” მატჩისთვის მზად იქნება.
ჟერარ პიკემ სოციალურ ქსელ Twitter-ზე ვარჯიშის ამსახველი ფოტო გამოაქვეყნა, ოპტიმისტური წარწერით: “მე დავბრუნდი.”
პიკემ 5 მატჩი გამოტოვა (3 ლა ლიგა, 1 ჩემპიონთა ლიგა, 1 კატალონიის სუპერ თასი). მოსალოდნელია, რომ 19 ნოემბერს ის სათამაშო პრაქტიკას მიიღებს.
