ფერანი ბარსას ემშვიდობება: ამ ფერების დაცვით ვამაყობდი

ფერან ტორესი “ბარსელონას” გულშემატკივრებს “ინსტაგრამზე” გამოქვეყნებული პოსტით დაემშვიდობა. მან გააზიარა ვიდეო, სადაც მისი საუკეთესო მომენტებია ასახული. კადრებს ფონად ესპანელის სიტყვები ახლავს, სადაც ის აღნიშნავს:

“პირველი, რაც მინდა გავაკეთო, არის ის, რომ ყველაფრისთვის მადლობა გადაგიხადოთ. ამ ფერების დაცვა ჩემთვის სიამაყე იყო. იმან, რაც ამ ოთხნახევარი წლის განმავლობაში “ბარსელონაში” განვიცადე, უკეთეს ფეხბურთელად და უკეთეს ადამიანად მაქცია.”

“ბარსელონა”, როგორც სახლი

ფოიოსელმა ფეხბურთელმა საკუთარ მიზნებსა და განვლილ გზაზეც ისაუბრა და დაამატა:

“ამ ხნის განმავლობაში, ბარსელონა ჩემი სახლი იყო. აქ მოვედი პირობით, რომ ყველაფერს გავიღებდი და სწორედ ამისთვის ვმუშაობდი. ჩემი მიზანი ყოველთვის იყო, დავხმარებოდი გუნდს, რათა “ბარსელონა” იქამდე მიმეყვანა, რასაც იმსახურებს – ყველაზე მაღალ მწვერვალზე.”

ბოლოს კი მან მადლიერება გამოხატა კლუბის პერსონალისა და მეგობრების მიმართ:

“ამ კლუბში ვტოვებ მეგობრებს გასახდელში და მის გარეთ, ასევე ბევრ ადამიანს, რომლებმაც ყველა ჩვენგანი უკეთესი გახადეს. ჩვენ ერთად გავხდით ჩემპიონები “ბარსელონასთან” ერთად და ბევრი ჩვენგანი – ეროვნულ ნაკრებშიც. მადლობა და ვისკა ბარსა.”