“სპოტიფაი კამპ ნოუზე” გასამართ ჟოან გამპერის თასზე “ბარსელონას” მომდევნო მეტოქე ეგვიპტური “ალ-აჰლი” იქნება, თუმცა გულშემატკივრების წინაშე გუნდის ოფიციალური წარდგენისთვის კატალონიური კლუბი სხვა ვარიანტებსაც განიხილავდა. კლუბის ხელმძღვანელობა პრემიერ ლიგის რომელიმე გუნდთან დაპირისპირებას დადებითად უყურებდა და ერთ-ერთი ასეთი ვარიანტი “ფულჰემი” იყო.
არბელოას ფაქტორი
ლონდონური გუნდი ბებერი კონტინენტის ერთ-ერთი ისტორიული კლუბია, მაგრამ მას შემდეგ, რაც “ფულჰემმა” ახალ მთავარ მწვრთნელად ალვარო არბელოას დანიშვნა დააანონსა, “ბარსელონამ” გეგმები შეცვალა. კატალონიურ კლუბში გამპერის თასზე “რეალ მადრიდის” ყოფილი მწვრთნელის ხილვა არ სურდათ. მადრიდულ სკამზე ყოფნისას მისმა ბოლო განცხადებებმა კიდევ უფრო გააფუჭა მისი ისედაც ცუდი იმიჯი “ბარსელონას” გულშემატკივრებში, რომლებსაც ესპანელი ჯერ კიდევ ფეხბურთელობის დროიდან არ უყვარდათ.
სხვა ალტერნატივები
გამპერის თასზე სათამაშოდ მაგიდაზე სხვა კლუბების ვარიანტებიც იყო, კერძოდ ნიდერლანდური “აიაქსი” და მექსიკური “კრუს ასული”, თუმცა საბოლოოდ ამხანაგური მატჩის ჩასატარებელ პირობებზე შეთანხმება ვერ მოხერხდა და არჩევანი ეგვიპტურ “ალ-აჰლიზე” შეჩერდა.
ისედაც ფულემი რატომ უნდა ჩამოიყვანო
მახსოვს ეს მესის არ თვლიდა ფეხბურთელად, და საზიზღარ კომენტარებს წერდა მასზე. ჯერ კიდევ მესის ბარსაში ყოფნის ბოლო წლებში იძახდა, რომ მესის ფეხბურთი დამთავრდა და მალე პენსიაზე გავაო. მაქსიმუმ 1-2 სეზონი და ფეხბურთს ვეღარ ითამაშებსო.
ისეთი ტაკტიკოსია გადაგვხსნიდა შუაზე