კატალონიური Mundo Deportivo-ს ინფორმაციით, ჟოან გამპერის თასზე “ბარსელონას” მეტოქის ვინაობა ცნობილია. კატალონიური კლუბი ეგვიპტურ “ალ-აჰლის” დაუპირისპირდება, რომელთანაც შეთანხმება უკვე მიღწეულია. მატჩი 19 აგვისტოს, “სპოტიფაი კამპ ნოუზე” გაიმართება.
სტრატეგიული ნაბიჯი და არაბული ბაზარი
აღსანიშნავია ის ფაქტიც, რომ გასულ ზამთარში “ბარსელონას” ახალგაზრდულ გუნდში ეგვიპტელი თავდამსხმელი, ჰამზა აბდელკარიმი სწორედ ამ კლუბიდან გადმოვიდა.
ამ მატჩით “ბარსელონა” საკუთარ ქვეყანაში ძალიან დიდი წონის მქონე ძლიერ კლუბს დაუპირისპირდება. ეს კატალონიელთა მხრიდან სტრატეგიული ნაბიჯია, რათა 110-მილიონიანი ეგვიპტური ბაზარი კიდევ უფრო აითვისონ. რეალურად, “ბარსელონასთვის” მთელი არაბული ბაზარი ძალიან საინტერესოა, სადაც კლუბს უამრავი გულშემატკივარი ჰყავს.
ქალთა გუნდის მატჩი
გარდა მამაკაცთა გუნდისა, ცნობილია “ბარსელონას” ქალთა გუნდის გამპერის თასის მეტოქეც – 21 აგვისტოს ისინი იოჰან კრუიფის სახელობის სტადიონზე ინგლისურ “ბრაიტონს” შეხვდებიან.
დაამატეს სიახლეები!! იყიდეს ახალი ფეხბურთელი დადეთ ინფო. რა გააბანძეთ საიტი. აღარ მინდა შემოსვლა რა