საქართველოში არსებობს ასამდე ბავშვი, რომლებიც იშვიათი დაავადებით, დიუშენის სინდრომით არიან დაავადებულნი.
ამ დაავადების მედიკამენტურ მართვას საკმაოდ დიდი ფინანსები სჭირდება. საუბარია ათეულობით მილიონ ლარზე და ბუნებრივია, ჩვენნაირი გაჭირვებული სახელმწიფოს რიგით მოქალაქეებს არ აქვთ იმის ფუფუნება, საკუთარი სახსრებით იხსნან შვილები გარდაუვალი სიკვდილისგან.
არსებობს წამალი, რომელიც ნაადრევი სიკვდილისთვის განწირულ ბავშვებს სიცოცხლის მინიმუმ გაორმაგების შანსს აძლევს, თუმცა საქართველოს ხელისუფლება უარს ამბობს იმ ერთადერთი ფუნქციის შესრულებაზე, რომელიც მას უნდა ჰქონდეს – დაეხმაროს ადამიანებს იმ პრობლემის მოგვარებაში, რომლის მოგვარებაც ერთი ადამიანისთვის ან პირთა მცირე ჯგუფისთვის შეუძლებელია.
რამდენიმე დღის წინ ხელისუფლების საქმე საკუთარ თავზე სტუდენტებმა აიღეს, რომლებმაც დიუშენის სინდრომით დაავადებული ბავშვების წამლისთვის ფულის შეგროვება Facebook ლაივით გადაწყვიტეს. როგორც მათთვის, ასევე მთელი ქვეყნისთვის გასაკვირად, უკვე შეგროვებულია თითქმის 1.5 მილიონი ლარი.
“ბარსელონას” ქართული ოფიციალური ფანკლუბი ქვეყანაში მიმდინარე ასეთ მნიშვნელოვან პროცესს გვერდს ვერ აუვლიდა და გვსურს, მოგცეთ შანსი, თქვენც ჩაერთოთ ამ სახალხო მოძრაობაში.
მუდმივი ფეისბუქ ლაივის ხილვა ამ ბმულზე შეგიძლიათ.
ანგარიშის ნომრები:
- TBC: GE20TB7881145068100026
- BOG: GE49BG0000000611756133
თანხის გადარიცხვა ასევე შეგიძლიათ Kisa.ge-ს საშუალებით.
და ყველაზე მთავარი: თანხის გაღებაზე არანაკლებ მნიშვნელოვანია ამ ამბის სხვებისთვის გაზიარება. ნუ დაიზარებთ, გააგებინეთ ყველას.
კარგ საქმეს აკეთებთ, ღმერთი შეგეწიოთ!
🧡
მილიონ ნახევარი ლარი თუ რამოდენიმე დღეში შეაგროვეს, მთლად დაქცეული ქვეყანაც არ ყოფილა😏
მადლობა მაგარი საქმისთვის
✊🏻❤️