მიუხედავად იმისა, რომ კატალონიელები აწარმოებენ მოლაპარაკებებს “სანტოსთან” ბრაზილიელი ფეხბურთელის თაობაზე და საბოლოო შეთანხმებასთანაც ახლოს არიან, თავად ნეიმარი აცხადებს, რომ იგი ჯერ ჯერობით არ აპირებს ბრაზილიიდან გამგზავრებას.
ბრაზილიის ეროვნული ნაკრების წევრმა თქვა, რომ მისთვის “კორინთიანსთან” ჩატარებული შეხვედრა, არ ყოფილა უკანასკნელი თამაში “სანტოსის” რიგებში. “ბედნიერი ვარ, რომ ვთამაშობ “სანტოსში”. არ ვიცი როდის დავტოვებ კლუბს, თუმცა მინდა ვთქვა, რომ “კორინთიანსთან” შეხვედრა ჩემთვის არ ყოფილა ბოლო მატჩი “სანტოსის” რიგებში. მე განვაცხადე უკვე ათასჯერ, რომ თავს ძალიან კარგად ვგრძნობ აქ, მაგრამ ჟურნალისტებს არ სურთ ამ ყველაფრის დაჯერება”. – განაცხადა ნეიმარმა.
