“ბარსელონას” სპორტულმა დირექტორმა ანდონი სუბისარეტამ ბარძაყის კუნთის ტრავმის შემდგომ გუნდის თავდამსხმელის ლიონელ მესის სარეაბილიტაციო კურსის მიმდინარეობაზე ისაუბრა.
“ლეოს აღდგენითი პროცესები ძალიან კარგად მიმდინარეობს. უბრალოდ ექიმებმა გადაწყვიტეს, რომ მესი დაესვენებინათ და “ლევანტესთან” მატჩში იგი მოედანზე არ შეეშვათ”, – განაცხადა სუბისარეტამ.
შეგახსენებთ, რომ მესიმ თანაგუნდელებთან ერთად სრული დატვირთვით ვარჯიში უკვე განაახლა. ასე რომ, დიდი ალბათობით, არგენტინელი მწვანე მინდორზე “ბაიერნის” წინააღმდეგ გასამართ ჩემპიონთა ლიგის ნახევარფინალური ეტაპის პირველ დაპირისპირებაში დაბრუნდება, რომელიც გერმანიაში 23 აპრილს გაიმართება.
