არგენტინის ეროვნული ნაკრებისა და “პსჟ”-ს ნახევარმცველმა ხავიერ პასტორემ განაცხადა, რომ მოუთმენლად ელის ჩემპიონთა ლიგის 1/4 ფინალურ შეხვედრას “ბარსელონას” წინააღმდეგ.
“ეს ის გუნდია, რომელიც კარგ ფეხბურთს თამაშობს. ეს ჩვენთვის მძიმე მატჩი იქნება. ჩვენ კონცენტრირებულნი უნდა დავრჩეთ და მოვერიდოთ შეცდომების დაშვებას, რადგან ისეთი დონის გუნდთან, როგორიც “ბარსელონა” მცირე შეცდომაც ძვირადღირებულია.
ჩვენ დასახული გეგმა უნდა შევასრულოთ, უნდა შევეცადოთ და სიმშვიდე შევინარჩუნოთ, როცა ბურთი მათ მფლობელობაში იქნება და რასაკვირველია ეფექტურები უნდა ვიყოთ შეტევაში.” – დაასრულა არგენტინელმა
