“ბარსელონას” პრეზიდენტმა, ჟოან ლაპორტამ RAC1-ს ინტერვიუ მისცა, რომლის დროსაც არაერთ საკითხზე საინტერესო კომენტარი გააკეთა.
სუპერ ლიგა
“ბარსელონას”, “რეალისა” და “იუვენტუსის” მსგავს კლუბებს ვერ ვაიძულებთ, რთული პერიოდები გამოიარონ იმის გამო, რომ სხვა კლუბები წესებს არღვევენ. ისტორიული კლუბების გადარჩენის მიზნით, ვერ დავუშვებთ, რომ გაგრძელდეს ის, რაც ახლა ხდება. ამჟამად სუპერ ლიგის პროექტი სასამართლოშია, მაგრამ განვითარებას განაგრძობს. ეს ღია, ძალიან მიმზიდველი ფორმატის ტურნირი იქნება.
ტრაორე-ტრინკაუს გაცვლა
ეს განსახილველი საკითხია. ადამათი კმაყოფილები ვართ. მას მაქსიმალური კონკურენტუნარიანობა გააჩნია. ტრინკაუც შესანიშნავი ფეხბურთელია, მაგრამ მას ჩვენთან დიდი დრო არ აქვს გატარებული.
ჩავი
ჩავი ფანტასტიკურად მუშაობს. დასაწყისში მას პრობლემები ჰქონდა, თუმცა მან ფეხბურთელების მოტივირება და საკუთარი სტილის დანერგვა მოახერხა. ახალწვეულებმა ადაპტაცია სწრაფად გაიარეს. სწორ გზას ვადგავართ. ჩავი ჩვენი ოჯახის წევრია, რომელიც ყოველთვის ოპტიმისტურადაა განწყობილი. ის კულეა და “ბარსელონაში” ყოფნა ყოველთვის სურდა. ჩავი ჩვენთან დიდხანს დარჩება. თუ ეს მისი სურვილი იქნება, მთელ ჩემ პრეზიდენტობის დროს ჩვენთან გაატარებს.
სერჟი რობერტო
მას კონტრაქტის გახანგრძლივების საშუალება სეზონის სტარტზე ჰქონდა, როდესაც რამდენიმე ფეხბურთელმა ხელფასი შეიმცირა. არ მესმის, რატომ არ დათანხმდა ის ამ შეთავაზებას. ახლა ჩვენ შემადგენლობას ვაახლებთ, მას ვაუმჯობესებთ. ის სერიოზული ტრავმიდან ბრუნდება, რაც საქმეს ართულებს.
გავი და არაუხო
ყველაფერი კარგად მიდის. ეს ფეხბურთელები ჩვენთვის ძალიან მნიშვნელოვანნი არიან და მათ დარჩენა უნდათ. შეთანხმებას მივაღწევთ. ამ შესაძლებლობას გამოვიყენებ და ფეხბურთელებს ვეტყვი, რომ ჩვენი ეკონომიკური შესაძლებლობა არის ის, რაც არის.
დემბელე
ჩვენ მას შეთავაზება გავუკეთეთ, რომელსაც ის არ დათანხმდა. თუ შეთანხმებას მივაღწევთ, ეს მოხდება იმ სახელფასო ლიმიტში, რომელიც გვაქვს. პატივისცემას გამოვხატავ, მაგრამ მაინც უნდა ვთქვა, რომ ფეხბურთელების წარმომადგენლები სიურპრიზების ყუთს ჰგვანან. რამდენჯერმე ვთქვი, რომ დემბელე ძალიან მომწონს, მაგრამ მისი შემთხვევაც სერჟი რობერტოსას ჰგავს. ჩვენ მას საბოლოო შეთავაზება 20 დეკემბერს გავუკეთეთ. ჩვენ ჩვენი სახელფასო ლიმიტები გვაქვს.
ჰოლანდი და მბაპე
ვისაც “ბარსელონაში” თამაშის სურს, ის ჩვენთან მოდის. რა ეკონომიკურ პირობებსაც ჩვენ გავეცანით, მათ დაკმაყოფილებას არცერთ შემთხვევაში არ ვაპირებთ.
ჟოაუ ფელიში
ის ძალიან მომწონს. მისმა აგენტმა ეს იცის. ის შესანიშნავი ფეხბურთელია და მე ის მიყვარს. სიმართლეა, რომ მისი გრიზმანში გაცვლის მცდელობა გვქონდა. ვცადეთ, მაგრამ “ატლეტიკომ” ეს არ ისურვა.
პოტენციური შენაძენები
2 შენაძენის საკითხი დავხურეთ: ცენტრალური მცველისა და ნახევარმცველის.
რაფინია
რაფინია შესანიშნავი ფეხბურთელია. მასზე კარგი შეფასებები მოგვდის. დეკუ, რომელიც მისი აგენტია, დეტალებს გვაცნობს იმისათვის, რომ შეცდომა არ დავუშვათ. რამდენიმე შემთხვევაში ეს ძალიან დაგვეხმარა. დეკუ ჩვენი თანამშრომელი არაა, ის უბრალოდ გვეხმარება, რადგან ბრაზილიურ სატრანსფერო ბაზარში სხვებზე უკეთ ერკვევა.
CVC და Barca Studios
CVC-სთან მოლაპარაკებები მიმდინარეობს. მათი თავდაპირველი შემოთავაზება შეიცვალა. სხვა ვარიანტებზეც ვმუშაობთ. კონტრაქტი 30 ივნისამდე უნდა გავაფორმოთ. Barca Studio-ს გაყიდვასთან დაკავშირებით კი არსებული შემოთავაზებების შეფასებებს ვაკეთებთ, ამ საკითხზეც ვმუშაობთ
ქალების ფეხბურთი
ყველა დეპარტამენტის ბიუჯეტი უცვლელი დარჩება, მხოლოდ ქალების ფეხბურთის დეპარტამენტის ბიუჯეტი გაიზრდება.
ტექნიკური დირექტორი
თუ ყველაფერი გეგმის მიხედვით წავიდა, ახალი ტექნიკური დირექტორი ჟორდი კრუიფი იქნება.
აღმასრულებელი დირექტორი
ახლა აღმასრულებელი დირექტორიც მე ვარ და მთელ დროს კლუბში ვატარებ, რადგან ყველაფერი 30 ივნისამდე უნდა მოვასწროთ.
ვარსკვლავების ტრანსფერები
დიდი გარიგებები იქნება ის, რომელიც კლუბის სახელფასო ლიმიტებს მოერგება, თუმცა ჩვენი ყველაზე დიდი გარიგება “ბარსელონაა”, მთლიანი გუნდი.
ენრიკ მასიპი
მასიპი ჩემი მრჩეველია, რომელიც ტექნიკურ დეპარტამენტში დაწინაურდება, რადგან მას სპორტში საქმიანობის დიდი გამოცდილება აქვს და ჟორდი კრუიფთან და მატეუ ალემანისთან კარგ ატმოსფეროში მუშაობის უნარებიც აჩვენა.
Espai Barca
თუ ყველაფერი გეგმის მიხედვით იქნება, კალათბურთის ახალ მოედანს 2026 წლისთვის დავასრულებთ. “კამპ ნოუს” უფრო ადრე დასრულებას ვგეგმავთ.
4-0 ელ კლასიკოში
“რეალთან” 4-0 მოგებით ვაჩვენეთ, რომ სწორ გზას ვადგავართ, მაგრამ გასაკეთებელი კიდევ ბევრი რამ გვაქვს. ძალიან კარგი შოუ გამოვიდა. გვინდოდა, გულშემატკივრები გაგვეხარებინა და ჩვენ ამას ვაკეთებთ.
6-2 თუ 4-0?
ბოლო თამაშში მეტი გოლი უნდა გაგვეტანა. ვფიქრობ, სიტუაცია განსხვავებულია. 2009 წელს ყველაფერი მოვიგეთ, “ბერნაბეუზე” მოგება კი ჩვენი ძალების დადასტურება იყო.
ფინანსური ფეარ ფლეი
ამ წლის ანგარიშები მაშინ დაბალანსდება, როდესაც მიმდინარე პროცესებს დავასრულებთ და შემოსავალს გავზრდით, თუმცა ფინანსური ფეარ ფლეის პრობლემა კვლავ რთულია.
სალაჰი და ლევანდოვსკი
“ბარსელონაში” მოსვლა ყველა დიდ ფეხბურთელს უნდა, მაგრამ ვერ გეტყვით, რომელი მათგანია რეალური.
ჰოლანდის წარმომადგენლებთან შეხვედრა
მარბელიაზე დასვენების დროს ჰოლანდის წარმომადგენლებს არ შევხვედრივარ.
რონალდ კუმანი
მასზე კარგი მოგონებები მაქვს, განსაკუთრებით 92 წლის ფინალი. მას პატივს ვცემ. ვცადე, მას დავლაპარაკებოდი. იმედი მაქვს, გარკვეული დროის შემდეგ ის ჩემ გადაწყვეტილებას გაიგებს. კლუბის ეკონომიკური მდგომარეობის გამო ჩვენ მას ახალი შანსი მივეცით. როდესაც რონალდს ორკვირიან დედლაინზე ვუთხარი, ჩავისაც ვესაუბრე.
ლა ლიგა
ლა ლიგის მოგება მინდა, არ მინდა, მეორე ადგილზე ვიყო. ამას იმიტომ ვამბობ, რომ კარგი გუნდი გვყავს და სეზონის დასკვნით ეტაპზე ძალიან კარგად გამოვიყურებით.
ევროპა ლიგა
ეს ძალიან მნიშვნელოვანი ტურნირია, რომელიც აქამდე არ მოგვიგია და გულშემატკივრებს მისი მოგება სურთ. თუ “აინტრახტის” ბარიერს დავძლევთ, “ვესტ ჰემს” ან “ლიონს” შევხვდებით, რომლებიც ძალიან კარგი გუნდები არიან. ტურნირზე ასევე არის “ლაიფციგიც”. ევროპა ლიგა მარტივი ტურნირი არაა.
ევროპის სუპერ თასზე “ბარსელონა” “მანჩესტერ სიტის” წინააღმდეგ
ეს იდეალური სცენარი იქნებოდა, მაგრამ ახლა ამაზე არ ვფიქრობ. ჯერ ჩვენი მეტოქე “აინტრახტია”, “სიტიმ” კი “ატლეტიკოსთან” უნდა ითამაშოს.
მესი “ბარსას” ფორმით ამხანაგურ თამაშში
კარგი იქნებოდა, მესის “ბარსელონას” ფორმით “მანჩესტერ სიტის” წინააღმდეგ ეთამაშა ამხანაგურ შეხვედრაში, რომელიც ხუან კარლოს უნსუეს მიეძღვნება. თუმცა ეს საკითხი პსჟ-ზე არის დამოკიდებული.
მესის დაბრუნება
გუნდს ახალგაზრდებზე ვაგებთ. მესი მსოფლიოში საუკეთესო ფეხბურთელია, მაგრამ მის დაბრუნებაზე არ ვფიქრობთ.
ურთიერთობა მესისთან
“ბარსა” მესის სახლია. გამიხარდება, თუ ის ახალი “კამპ ნოუს” გახსნის დროს ჩვენთან ერთად იქნება. ამ ეტაპზე ჩვენ შორის ნაკლები კონტაქტია, რადგან ის პარიზში იმყოფება. ჩემთვის ამ ყველაფრის გადატანა მარტივი არ ყოფილა. ვისურვებდი, ყველაფერი სხვაგვარად მომხდარიყო. თუმცა ინსტიტუციას საფრთხის ქვეშ ვერ დავაყენებდით. ჩვენ ჩვენი მაქსიმუმი გავაკეთეთ. ლეოსთან არ მისაუბრია, მაგრამ მასთან დაახლოებული პირები ჩვენ ქალაქში და კლუბშიც არიან. სპორტულ მხარეზე მეტად ჩვენ პირად ურთიერთობაზე ვწუხვარ.
არც მესის და არც მისი გარემოცვის მხრიდა დაბრუნებაზე არაფერი გამიგია. ამ ეტაპზე ამ საკითხზე არც ჩვენ ვფიქრობთ. თუმცა მესი მესია.
კამპ ნოუს სახელი
პირადად მე ვისურვებდი, რომ სტადიონის სახელი Camp Nou Spotify ყოფილიყო, მაგრამ მათ საკუთარი სახელის წინ წამოწევა სურდათ. ჩვენს არენაზე, შესაძლოა, Spotify-ს ღონისძიებებიც მოეწყოს.
ქალების ელ კლასიკო
გულშემატკივრებს ვთხოვთ, ამ თამაშის საყურებლად “კამპ ნოუზე” მოვიდნენ. გვინდა, დასწრების მხრივ ქალების ფეხბურთის რეკორდი დავამხოთ.
არასწორი სტატია გაქ ნანახი, მთლიანად აქვს მგონი მაგდენი, 9 ჯერ შეიმცირა ტიპმა ხელფასი
ძალიან რატოა საჭირო მესის დაბრუნება?გასაგებია გინდათ მესის დაბრუნება ვინც მესით დაიწყეთ ფეხბურთის ყურება მაგრამ ნუ გვიმტკიცებთ რო 35 წლის კაცი წყალივითაა საჭირო გუნდში.ვაფშე არაა ამ გუნდში მესი საჭირო მისი დიდი პატივისცემის მიუხედავათ.იმედია მხოლოდ გასაცილებლად დააბრუნებენ.
ფელიქსი იყიდონ ყველაზე ჭკვიანურია და ვირცი
ყველაფერს სწორს ამბობს და საერთოდ არ არის საჭირო მესი
ამ დროს ძალიანაც რო საჭიროა მესი ბარსაში
" ლა ლიგის მოგება მინდა, არ მინდა, მეორე ადგილზე ვიყო. ამას იმიტომ ვამბობ, რომ კარგი გუნდი გვყავს და სეზონის დასკვნით ეტაპზე ძალიან კარგად გამოვიყურებით."….. ისე ლაპარაკობ ვითომ შენს ხელში არ იყო ყველაფერი ! გაგეშვა მერე ხისთავა თავის დროზე რომ გაანიავა ქულები
და ვიქნებოდით ეხლა პირველ ადგილზე ბიჯოს 
ალექსანდრე გეგეჭკორი,
მე ჩემი აზრი გამოვთქვი რაც შეიძლება შენსას არ ემთხვეოდეს და აქედან გამომდინარე მაგ ლოგიკით შეიძლება კარგად შენ არ გქონდეს საქმე😉 რაც შეეხება ვიღას ტოვებო გარკვევით წერია ვისაც დავტოვებდი ჩემი აზრით ძირითადში და ზამენაზე
ჟოან ლაპორტა: მესის დაბრუნებაზე არ ვფიქრობთ
იასნია რო არ ფიქრობთ, პრეზიდენტობის მოგებაში ხო დაგეხმარა და ეხლა რაღათ გინდა.
ფელიქსი მოიყვანე და აღარ შეგაგინებ. ჯერ არაუხო გავი დატოვე, მერე ფელიქსი ააგდე. ისე გრიზმანი 2 წლიანი იჯარით მიუცია ამ სიკოს. ბართომეუ გააკეთა. რო მოგიგდებენ 2 წელში უკან გყავდეს მერე ატლეს ნახმარი ბებერი და გამოუსადეგარი კაცი. დიბალა თუ დაითრია ატლემ გაყიდიან ფელიქსს. მაგაში მივცეთ ის 75 მილიონი. დარწმუნებული ვარ ჩავი მონსტრს შექმნის. გინდა 9 ზე დააყენე გინდა ფლანგზე. ატლეტიკოში 20 % ვერ ავლენს სად გადავიდა
ყველაფერს სწორს ამბობს და საერთოდ არ არის საჭირო მესი
უფასოდ: კრისტენსენი. აზპილიკუეტა, მაზრაუი, კესიე, დიბალა
გასაშვები: მანაი, ვაგე, კოლადო, პიანიჩი, ტრინკაუ, კოუტინიო, გრიზმანი, ნეტო, უმტიტი, ლენგლე, მინგესა დესტი, ალვეში, ალბა, პუჩი, რობერტო, დემბელე, ადამა, ბრატვაიტი, ლ. დეიონგი
ფატი (დეპაი) ნუნიესი (აუბა) ტორესი (დიბალა)
პედრი (ფ.დეიონგი) ნიკო (ბუსი) გავი (კესი)
გაია (ბალდე) კრისტენსენი (პიკე) არაუხო (გარსია) მაზრაუი (აზპი)
შტეგენი (პენია, ტენასი)
ვიღას ტოვებ?😑😑 ალბა,ალვეში და დესტი გასაშვები რომ გოგონია კარგად გქონია საქმე
რო გაინტერესებთად მსოფლიოს ყველაზე მაღალანაზღაურებადი ფეღბურთელების სია დაიდო და პიკე 4-ე ადგილს იკავებს ნეიმარის, მესის და რონალდუს შემდეგ თვეში 2 330 000 ევროთი ნეიმარს აქვს 4 083 000 მესის 3 375 000 და რონალდუს 2 630 000, ასე რომ უნდა შეიმციროს ჯიგარმა ხელფასი.
2023 წლის ზაფხულში დააბრუნე შე სიკო უფასოდ პრესინგს არითამაშებსო გადავირიე მაშინ ნაკრებში რატო თამაშობს პრესინგს ხავი ჭკვიანია და ლეოზე არააწყობს გუნდს რო დაბრუნდეს დააბალანსებს ყველაფერს მესი დარჩებაო გაუშვა ჰოლანდს მოვიყვანო ვერცერთი ვერ შეასრულა ჯერ ჯერობით ამიტომაც ხარ ღლე ტყუილი დაპირებები არუნდა გასცე
ხოდა შენს დედას ჩავახტი გლანდებში მესის დაბრუნებაზე რო არ ფიქრობ
გულწრფელობა მოსაწონია +1
რობერტოს თავი ისევ ტალანტი გონია როგორც ჩანს 😀
მესი გონებრივად იმაზე ბევრად ადრე წავიდა გუნდიდან ვიდრე ფიზიკურად მოახერხა და ღმერთმა მშვიდობაში მოახმაროს პარიზი, თუმცა ნაგავ ბართომეუს რომ მიეცა შანსი და გაეშვა თავის დროზე სიტიში, ახლა ლეოზე ისევ ზე აღმატებითში ვისაუბრებდით და არა ნიშნის მოგებით, თუმცა ესაა ცხოვრება და მისი ირონიები :))
ჰალანდი მბაპე თავიდანვე ზღაპარი იყო და ამიტომ დიდი იმედი მქონდა ვლაჰოვიჩის, მარა ის ორჯერ ამათზე ძვირად გაიყიდა, მთლად უარესი 😐
საყიდელია მხოლოდ!!!!!!: გაია, ნუნიესი (80 ლიმონი ჯამში!!!!)
უფასოდ: კრისტენსენი. აზპილიკუეტა, მაზრაუი, კესიე, დიბალა
გასაშვები: მანაი, ვაგე, კოლადო, პიანიჩი, ტრინკაუ, კოუტინიო, გრიზმანი, ნეტო, უმტიტი, ლენგლე, მინგესა დესტი, ალვეში, ალბა, პუჩი, რობერტო, დემბელე, ადამა, ბრატვაიტი, ლ. დეიონგი
ფატი (დეპაი) ნუნიესი (აუბა) ტორესი (დიბალა)
პედრი (ფ.დეიონგი) ნიკო (ბუსი) გავი (კესი)
გაია (ბალდე) კრისტენსენი (პიკე) არაუხო (გარსია) მაზრაუი (აზპი)
შტეგენი (პენია, ტენასი)
ვეთანხმები სრულად. როცა გიჭირს ქამარი უნდა შემოიჭირო. არაუხოს და გავის კონტრაქტები პირველი პრიორიტეტია. და ერთი მარჯვენა ფლანგელი შემტევი