ტერ შტეგენისა და ჩავის პრესკონფერენცია ნაპოლისთან მატჩის წინ

ყოველთვის ვცდილობ, მაქსიმუმი გავიღო. ფორმაში რომ არ ვიყო, მოედანზე არ ვიქნებოდი. პასუხისმგებლობის გრძნობა მაქვს. ახლა თავს კარგად ვგრძნობ. ამჟამად გუნდიც კარგ ფორმაში იმყოფება. კლუბს ყველაფრით დავეხმარები.

ახალგაზრდები მნიშვნელოვან მატჩებში გამოცდილებას იღებენ. ყველაფრის მოგებას შევეცდებით. წინ მივიწევთ და ბევრ ასპექტში ვუმატებთ. ყოველ შეხვედრაში ნაჩვენები პერფორმანსით ბედნიერი ვარ.

ჩავი გარკვევით ამბობს, თუ როგორ სურს, რომ გუნდმა ითამაშოს. ყველა მწვრთნელს თავისი იდეები აქვს. იმ ყველაფრისგან, რასაც ვაკეთებთ, სიამოვნებას ვიღებთ და თავდაჯერებულობა გვემატება.

“ნაპოლი” ევროპაში ერთ-ერთი საუკეთესო კლუბია. არც ლა ლიგაში და არც ევროპა ლიგაზე ადვილი მატჩები არ არსებობს. გამარჯვებისთვის ყველაფერი უნდა გავაკეთოთ.

ბოლო პერიოდში თქვენ (მედია) ცეცხლზე ნავთს ასხამს, რადგან ეს მოგწონთ. ყველაფერს ვხედავ და მშვიდად ვარ. ბევრ კომპონენტში მომატება მმართებს, მაგრამ გუნდისთვის ყველაფერს ვაკეთებ.

დემბელეს “ბარსასთან” კონტრაქტი სეზონის ბოლომდე აკავშირებს. ახლა გვსურს, მან ჩვენთან ითამაშოს. საბოლოო გადაწყვეტილებას თავად უსმანი მიიღებს. სხვის საქმეში არ ვერევი. ფრანგს მატჩის ბედზე გავლენის მოხდენა შეუძლია და გვინდა, აქ იყოს.

შესანიშნავად ვარ. თამაშებს ვაანაზილებ და ვხედავ, რა გამომივიდა კარგად. თქვენ თქვენს საქმეს აკეთებთ, რაც არ მაწუხებს – მე ჩემს საქმეს მივხედავ.

ჩვენ ორ უმაღლესი დონის გუნდზე ვსაუბრობთ. გამარჯვება შესანიშნავი იქნება – ამისთვის ვიბრძოლებთ.

დამატებითი დრო? ჩვენ პენალტის კარგი დამრტყმელები გვყავს, მე კი შევეცდები, ყველაფერი დავიჭირო, რაც კარში წამოვა. ყველაფრისთვის მზად ვარ. ვიმედოვნებ, მატჩს 90 წუთში მოვიგებთ, თუმცა, თუ ასე არ მოხდა, ყველანაირ გამოწვევას შევეჭიდებით.

მატჩი 2-1 ან 3-1 რომ მოგვეგო, მას მაინც იდენტურად მივუდგებოდით, რადგან დომინირება გვმართებს. “ნაპოლი” ჩვენზე ზეწოლას განახორციელებს და ძალიან ინტენსიურ შეხვედრას ვიხილავთ. გამბედაობა უნდა გამოვიჩინოთ და მომენტები შევქმნათ.

მარტივი თამაში არ გამოვა. ბურთისთვის ორივე გუნდი იბრძოლებს. “ნაპოლი” ჩემპიონთა ლიგის დონის კლუბია, მაგრამ ეს კარგი შანსია, ყველას დავუმტკიცოთ, რომ “ბარსა” ევროპაში კვლავ ანგარიშგასაწევი ძალაა.

თითოეული მატჩი ფინალის ტოლფასია. მოტივირებულნი ვართ. ჩვენი თამაში უნდა ვაჩვენოთ. პროგრესს განვიცდით და წინ მივდივართ.

დიეგო მარადონას სახელობის სტადიონზე ასპარეზობა დამატებითი მოტივაციაა – აქ თამაში დიდი პატივი იქნება. არგენტინელი ყველასთვის სამაგალითო ადამიანი იყო. მის ვიდეოებს ახლაც ვუყურებთ და ემოციებს ვერ ვმალავთ. ლეო მესი რომ არ გამოჩენილიყო, დიეგო ყველა დროის საუკეთესო ფეხბურთელი იქნებოდა.

წაგება ძალიან სამწუხარო იქნება. ევროასპარეზზე “ნაპოლისნაირი” გუნდის წინააღმდეგ თამაში გვსურს. თუ ჩვენს მაქსიმუმს გავიღებთ, შემდეგ ეტაპზე გასვლა შეგვიძლია. ვვარაუდობ, რომ ძალიან რთული მატჩი გველის.

კარგად თამაში და მოგება მინდა. საკუთარი შესაძლებლობების გამოვლენა შედეგს მოიტანს. თუმცა, იყო შეხვედრები, სადაც კარგად ვითამაშეთ, მაგრამ ვერ მოვიგეთ.

აკადემიაზე დიდ იმედებს ვამყარებთ. ტიტულები მაშინ მოვიგეთ, როცა გუნდში “ლა მასიელები” გვყავდა. სწორედ ამიტომ არიან გავი, ნიკო, ბუსკეტსი და პიკე ასეთი მნიშვნელოვანი მოთამაშეები. ვხედავთ, რომ 17-18 წლის ფეხბურთელებს მატჩის შედეგზე გავლენის მოხდენა შეუძლიათ.

ხვალინდელი მატჩი ტესტია იმისა, თუ სად ვიმყოფებით და რას წარმოვადგენთ. ევროპა ლიგაზე ვართ, მაგრამ “ნაპოლი” ჩემპიონთა ლიგის დონის გუნდია. ეს ჩვენი შეფასების დიდებული საშუალებაა. 

დემბელე პროფესიონალია. სწორედ ამიტომ გადავწყვიტეთ, რომ მას “ბლაუგრანას” მაისურით კვლავ ეთამაშა. ვნახოთ, რა მოხდება. უსმანი იმ ტიპის ფეხბურთელია, რომელიც მომწონს.