ბარსელონა მალიორკას სერიოზული დანაკლისით შეხვდება

ახალი წელი, ძველი პრობლემები… “ბარსელონას” ისედაც სერიოზული დანაკლისი ახლა კიდევ უფრო სერიოზულია, შაბათს კი “მალიორკასთან” სტუმრად თამაში გვაქვს.

Mundo Deportivo-ს ცნობით, “მალიორკასთან” შეხვედრისთვის ჩავი ერნანდესის განკარგულებაში სხვადასხვა მიზეზით 10 ფეხბურთელი არ იქნება:

• ბუსკეტსი და გავი დისკვალიფიცირებულები არიან;
• ლანგლესა და ალვესს კორონავირუსი დაუდასტურდათ;
• პედრი, ფატი, დეპაი, ბრეითუეიტი, დესტი და რობერტო ტრავმირებულები არიან.

წყარო ვარაუდობს, რომ დესტი გამოჯანმრთელებას მოასწრებს, “ბარსელონას” ძირითადი შემადგენლობა კი ასეთი იქნება: ტერ შტეგენი, დესტი, პიკე, არაუხო, ალბა, ნიკო, ფ. დე იონგი, პუჩი, დემბელე, ჟუტგლა, ეზალზული.

“ბარსა” “მალიორკას” 2 იანვარს 23 საათსა და 55 წუთზე დაუპირისპირდება.