ტოკიოში მიმდინარე ოლიმპიადის საფეხბურთო ტურნირზე ესპანეთის ნაკრები ნახევარფინალში გავიდა. “ფურია როხამ” მეოთხედფინალში კოტ-დ’ივუარი დაამარცხა, მომდევნო ეტაპზე კი იაპონიასა და ახალ ზელანდიას შორის გამარჯვებულს დაუპირისპირდება.
ერიკ ბაილისა და დანი ოლმოს გოლების შემდეგ დამატებულ წუთებამდე ანგარიში 1-1 იყო, მატჩის ბოლოს კი აფრიკელები მაქს გრადელმა წინ გაიყვანა. მალევე ამ გოლს ცვლილებაზე გამოსულმა რაფა მირმა უპასუხა და თამაში დამატებით დროში გადაიყვანა. აქ ესპანელებმა დიდი უპირატესობა მოიპოვეს და მეტოქეს სამი უპასუხო გოლი გაუტანეს: ჯერ მიკელ ოიარსაბალმა შეაგდო, რაფა მირმა კი თავი კიდევ ორჯერ გამოიჩინა. საბოლოოდ, მატჩი 5-2 დასრულდა.
“ბარსელონას” შემადგენლობიდან მოედანზე ოსკარ მინგესა, ერიკ გარსია და პედრი გონსალესი იყვნენ. მინგესამ ტრავმა მიიღო და მოედნის დატოვება მატჩის დასაწყისშივე მოუხდა, პედრი დამატებით დროში შეცვალეს, გარსიამ კი თამაში სრულად ჩაატარა.
ნახევარფინალი 3 აგვისტოს გაიმართება.
შენ რა იცი
სხვათა შორის, რაფა მირი ბარსას აღზრდილია, ესეც აღსანიშნავია….
ახალი ზელანდია ჯობია უფრო ადვილად მოიგებენ