რა ხდება კუმანსა და პუჩს შორის – ესპანური მედია კონფლიქტის დეტალებს ასაჯაროებს

ცნობილი ესპანური გამოცემა El Pais საინტერესო ინფორმაციას ავრცელებს.

პირენეელი ჟურნალსიტების მტკიცებით, სეზონის სტარტზე რონალდ კუმანსა და რიკი პუჩს შორის კონფლიქტი მოხდა.

მას შემდეგ, რაც ნიდერლანდელმა სპეციალისტმა ახალგაზრდა ესპანელს ახალი გუნდის მოძებნა ურჩია, ეს ინფორმაცია პრესაში მალევე მოხვდა. გამპერის თასის თამაშის წინ კი კუმანმა პუჩს მთელი გუნდის თანდასწრებით განუცხადა: “შენ ინფორმაცია გარეთ გაგაქვს.”

მომხდართან დაკაშირებით ფეხბურთელების აზრი ორად გაიყო. ერთნი ნიდერლანდელს გადაწყვეტილებას უწონებდნენ და მიიჩნევდნენ, რომ პუჩის ქცევები, ზოგჯერ, სწორი არ იყო. მეორე ნაწილი კი იხსენებებდა, რომ მსგავს სიტუაციაში კუმანი სხვაგვარად მოიქცა, როდესაც მასსა და ლუის სუარესს შორის საუბრის შესახებ ინფორმაცია ურუგვაელმა ფეხბურთელმა გაავრცელა.